«Balalarǵa arqan kópir arqyly ótý, taýǵa órmeleý, ot jaǵý, shatyr qurý sııaqty sharttar qoıyldy. Olar eptilikterin kórsetýmen birge ásem tabıǵatty da tamashalaıdy. Boılaryna týǵan jerge degen súıispenshilik qasıetterdi uıalatady», deıdi oblystyq dene tárbıesi, sport jáne alǵashqy áskerı daıyndyq oqý-ádistemelik ortalyǵynyń dırektory Qanat Sádýaqas.
Shatyr qurý básekesinde Qyzyljar aýdanynyń jas qyrandary jyldamdyq tanytsa, arqan arqyly ótkelden ótýde Petropavl qalasynyń «Planeta» komandasy eshqandaı qatelikke boı aldyrmaı tájirıbeli ekendikterin baıqatty. Taýǵa órmeleýde Ǵ. Músirepov aýdanynyń ókilderi alda boldy. Al ot jaǵyp, alaý tutatý shartyn qyzyljarlyqtar ǵana shekteýli ýaqyt ishinde oryndaı aldy.
Shalqar kóliniń jaǵalaýynda ári tynyǵyp, ári ózara kúsh synasqan jas týrısterdiń jeńimpazdary respýblıkalyq kezeńge joldama aldy.
О́mir ESQALI,
«Egemen Qazaqstan»
