Osy aıdyń basynan júzege asyryla bastaǵan júıe boıynsha týý týraly kýálik, nekeni tirkeý jáne qaıtys bolǵany týraly anyqtama nebári úsh saǵatta daıyn bolady. Astanadan bastalǵan joba endi Almaty qalasy men respýblıkamyzdyń 10 oblysyn qamtyp otyr.
«Azamattarǵa arnalǵan úkimet» memlekettik korporasııasy» KE AQ basqarma tóraǵasy Abylaıhan Ospanovtyń aıtýynsha, jobanyń mańyzy – «E-HQKO» biryńǵaı qyzmet kórsetý ortalyǵynyń qaǵıdaty boıynsha jurtshylyqqa barynsha jyldam qyzmet kórsetýinde.
Qanatqaqty joba iske asyrylǵaly jedeldetilgen rejimde 462 memlekettik qyzmet kórsetilgen. Sonyń ishinde 428 týý týraly kýálik, 17 qaıtys bolýdy tirkeý, 17 sottyń sheshimi boıynsha nekeni buzý qujattary berilgen.
Buryn azamattyq hal aktilerin tirkeý baǵyttary boıynsha bul qujattardy daıyndaýǵa birer jumys kúni ketetin. Mysaly, qaıtys bolýdy tirkeý – bir jumys kúni ishinde, bala týýdy tirkeý jáne 2008 jyldan keıin tirkelgen, zańdy kúshine engen sot sheshiminiń negizinde nekeni buzýdy tirkeý 2 jumys kúni ishinde júzege asyrylǵan.
Eskertetin jaıt, eger atalǵan memlekettik qyzmetterdi resimdeýge baılanysty ótinishter saǵat 17.00-den keıin túsken bolsa, onda qujattar kelesi kúnge qalyp, saǵat 12.00-ge deıin beriledi.
Abylaıhan Ospanovtyń málimetinshe, buryn logıstıkaǵa ýaqyt joǵaltatyn qyzmetkerler endi eshqaıda qozǵalmaı, jazbalarǵa ózgeris engizýdi sol jerde oryndaıtyn bolady. Osy maqsatta halyqqa qyzmet kórsetý ortalyqtarynda AHAT qyzmetkerleriniń jumys oryndary uıymdastyrylypty.
Qymbat Toqtamurat,
«Egemen Qazaqstan»
