Bul bastama barlyq qazaqstandyqtardy radıkalızmniń kez kelgen kórinisine qarsy ıdeologııalyq maıdanǵa biriktirýdi jáne el ishindegi beıbitshilik pen kelisim árqaısysymyzǵa tynyshtyqta ómir súrý úshin qajet ekendigine nazaryn aýdartýdy kózdeıdi. Qatysýshylardyń pikiri boıynsha, joba bizdiń elimizdiń bitimgershilik ustanymyn kórsetedi, násildik, ulttyq, dinı qajettilikterge qaramastan árbiriniń múddelerin qorǵaıdy jáne bul joba tek Qazaqstandy ǵana emes, kúlli álemdi qamtýy tıis.
Jobanyń taqyryby alǵash ret Chempıondar Lıgasynyń úshinshi irikteý kezeńiniń «Astana» komandasynyń oıynynda talqylanǵan bolatyn. Elordalyq komandanyń juldyzdary «Astana-Arena» alańynyń úlken LED ekrandarynda qazirgi álemge qaýip tóndirip turǵan – terrorızm men ekstremızm máselesi jaıly rolıkte sóz qozǵady.
«Noterrorism», «Noextremism» jobasyn bokstan Olımpıada chempıony, Qazaqstannyń jeti dúrkin chempıony Baqtııar Artaev, sonymen qatar Astana qalasynyń Din isteri jónindegi basqarmasy Danııar Esın qoldady. Olar «Astana» komandasynyń oıynshylarymen kezekti oıynnyń jattyǵýy kezinde kezdesý ótkizip, jobanyń áleýmettik mańyzy jaıly talqylady.
