Dástúrli náziktik fleshmoby Qaraǵandyda jyl saıyn 1 tamyz kúni ótip keledi. Bıyl uıymdastyrýshylardyń habarlaýynsha, sherýdiń dástúrli baǵyty men formatyna azdaǵan ózgeris engizilgen.
– Biz bıyl jyldaǵydaı saıabaqqa barmaımyz, - deıdi uıymdastyrýshy Iýlaıa Gorbacheva. – Táýelsizdik alańyna jınalamyz da fotoǵa túsemiz, odan keıin ary qaraı «Arbat» saýda úıine qaraı baramyz. Ol jerde kishigirim bı bıleımiz. Odan keıin barlyq qatysýshylardy bir-birimen jaqyn tanysyp, bilisip, qurbyǵa aınalýy úshin sháı ishýge shaqyramyz.
Ádettegideı sharaǵa qatysýshylar ózderimen birge taratý úshin syılyqtar ala kelý kerek. Bul gúl, táttiler, jemister, kádesyılar taǵy da basqa óz qoldarymen jasaǵan zattar bolýy múmkin.
Náziktik fleshmoby – 1 tamyz kúni ótetin halyqaralyq aksııa. Onyń maqsaty – esh negizsiz adamdarǵa qýanysh syılaý. Alǵashqy fleshmob 2012 jyly ótti. Oǵan 9 memlekettiń 90 qalasynan 1500 qatysýshy jınalǵan bolatyn.
