25 jastaǵy forvard parıjdik klýbpen bes jyldyq, ıaǵnı 2022 jyldyń 30 maýsymyna deıingi kelisimshartqa qol qoıdy. Bul transferdiń jalpy quny 222 mln eýrony quraıdy.
Qarjylyq feır pleı erejesin saqtaý maqsatynda «Barselonaǵa» fransııalyq ujymnan eshqandaı qarjy túspedi. Al atalǵan somany Neımar óz qaltasynan shyǵardy. Ol 2022 jyly Qatarda ótetin álem chempıonatynyń elshisi bolǵany úshin berilgen 300 mln eýrony tólep, «Barselonamen» kelisimshartyn úzdi. Endi onyń jańa komandadaǵy bir aptalyq jalaqysy 550 myń eýrony quraıtyn bolady.
«Fýtbolshynyń ómiri jańa belesterdi baǵyndyrýdan turady. Mundaı jaıttardyń keıbiri kútpegen jerden paıda bolsa, kelesi biri bizdiń sheshimimizden bolady. «Barselona» men baǵyndyrǵan úlken belesterdiń biri. Mundaǵy oıynshylarmen bala kúnimnen tek vıdeooıyndar arqyly oınaıtynmyn. 21 jasymda Katalonııaǵa arman qýyp keldim. Barselonadaǵy eń alǵashqy kúnimdi eshqashan umytpaspyn. Messı, Valdes, Havı, Inesta, Pýıol, Pıke, Býskets sekildi álemdik deńgeıdegi fýtbolshylarmen birge daıyndaldym. Eń alǵashqy debıýtimdi de asyǵa kútkenim esimde.
«Barselonada» fýtbol tarıhyndaǵy eń uly fýtbolshymen birge óner kórsetkenimdi maqtan tutamyn. Lıonel Messıge uqsaıtyn oıynshyny endi qaıtyp kórmeıtinime senimdimin. Leo meniń fýtbolda da, odan tysqary jerdegi de dosym bolyp qalady. Onymen birge dop tepken kúnderimdi maqtan tutamyn.
Messı, Sýarespen fýtbol tarıhyndaǵy úzdik úshtikti qurdyq. Fýtbolshylar jeńip alýy múmkin júldelerdiń bárine qol jetkizdik. Esimnen ketpes baqytty kúnderimdi ótkizdim. Men ómir súrgen qala qarapaıym ǵana shahar emes, bul mekendi týǵan jerim dep aıtsam qatelespegen bolar edim. Men Barselona men Katalonııany jaqsy kóremin.
Biraq kez kelgen fýtbolshyǵa (maǵan da) jańa belesterdi baǵyndyrýy kerek. Osymen ekinshi márte ákemniń sheshimine qarsy kelip otyrmyn. Áke, seniń pikirińdi túsinemin ári qatty syılaımyn. Biraq men óz tańdaýymdy jasap qoıdym, bul joly da meni qoldaýyńdy suraımyn.
«Barsa» men Katalonııa júregimde máńgige qalady. Biraq endi alǵa qaraýym kerek. Sol úshin PSJ-nyń usynysyn qabyl aldym. Olardyń jankúıerleri kútip júrgen júldeni jeńýge kómekteskim keledi. О́z kareramda úlken táýekelge bel býyp otyrmyn. Bul synaqqa daıynmyn dep oılaımyn.
«Barselonanyń» jankúıerlerin, birge óner kórsetken áriptesterimdi qatty syılaımyn. Júregimdi tyńdasam ketýim kerek deıdi. Endi PSJ aldaǵy jyldary meniń úıim bolady. Olardyń úmitterin aqtaýǵa tyrysamyn.
Maǵan qoldaý bildirgen jankúıerlerime, dostaryma, otbasyma árdaıym qasymda bolǵan jandardyń bárine alǵys aıtamyn. Bul meniń 25 jasyma deıingi jasaǵan óte mańyzdy ári qıyn sheshimim boldy. Barselona, saǵan degen alǵysym sheksiz! PSJ, men saǵan qaraı bara jatyrmyn! Jaratqan bir ózi jar bolǵaı!» dep jazdy Neımar Instagram-daǵy paraqshasynda.
Aıta keteıik, Neımar «Barselonaǵa» 2013 jyldyń jazynda Brazılııanyń «Santosynan» aýysyp kelgen bolatyn. Osy ýaqyt aralyǵynda ol barlyǵy 186 resmı oıynǵa qatysyp, 106 goldyń avtory atandy.
