Qazir et klasteri boıynsha daıyndyq jumysy qyzý júrgizilýde. Aımaqta «Iri qara mal etiniń eksporttyq áleýetin damytý» baǵdarlamasy aıasynda aýqymdy sharalar iske asyrylýda.
Qazaly aýdanyndaǵy «Syr Marjany» JShS-niń 500 basqa arnalyp salynǵan MIQ malyn bordaqylaý alańynda jyl basynan beri 200-den astam sıyr bordaqylanyp, onyń 100-i soıyp, satyldy.
Búgingi kúni alańnyń qýattylyǵyn 3000 basqa ulǵaıtý boıynsha jumys júrgizilip jatyr. Sonymen qatar alań janynan et konservileý zaýytyn ashý josparlanyp, et klasterin jasaý úshin daıyndyq jumystary bastaldy.
RF Astrahan qalasynyń ákimshiligimen 20 tonna et ónimin eksportqa shyǵarý jóninde memorandým jasaý boıynsha kelissózder júrgizilýde.
Mal sharýashylyǵynyń damýyna dem bergen «Sybaǵa» baǵdarlamasy aıasynda osy jyly 262 bas analyq sıyr men 9 bas asyl tuqymdy buqa satyp alý josparlanǵan.
Eske sala keteıik, «Qazaqstan Respýblıkasynda IQM etin eksportyq áleýetin damytý jobasyn» «QazAgro» UBH» AQ jáne «QazAgroО́nim» AQ Elbasynyń AО́K eksporttyq áleýetin ulǵaıtý qajettigi týraly tapsyrmasyn oryndaý úshin ázirlegen.
