Batys qazaqstandyqtar EKSPO-2017 kórmesin tamashalady

Olar Qaratóbe aýdandyq ishki saıasat bóliminiń bas­tamasy­men, aýdandyq «Mu­hıt jastary» JQB-nyń qol­da­ýy­men elorda­da bes kúndeı bolyp, arý qa­la­nyń tańǵajaıyp kó­rinisine kýá boldy. Qonaqtar arasynda aýdanymyzdyń áleý­mettik-eko­nomıkalyq damýyna súbeli úles qosyp kele jatqan ardager aǵa­la­rymyz, bilim, mádenıet sala­sy­nyń bilikti mamandary, jalyndy jastar jáne birqatar mekeme bas­shylary men aýyl ákimderi boldy.
EKSPO qalashyǵyndaǵy tań­ǵajaıyp pavılondardy, sáý­let óneriniń eń sońǵy úl­gi­le­ri­men salynǵan ásem ǵı­ma­rat­­tar­dy aralap, erekshe úlgide top­­­tastyrylǵan ǵy­lym men teh­nı­­kanyń sońǵy jańa­lyq­ta­ry­men tanysty. Sheksiz qýa­nysh­qa bó­lengen qarııalar qysqa mer­zim ishinde Astana kórkine kó­rik qo­syp, erekshe sáýlettenip, da­myp ket­k­endigine tańdanysyn bil­dirdi.

Astanadan alǵan áseri jónin­de baıandaǵan aýdandyq ardagerler keńesi tóraǵasynyń oryn­ba­sa­­ry Erkinbek Jánibekov:

– Bul sapar maǵan erekshe áser etti. Birinshiden, el ıgiligi jolyn­da qajyrly eńbek etken aǵa urpaq ókilderine úlken iltıpat bildirip, qurmet kórsetý bolsa, ekinshiden, EKSPO-2017 kórmesindeı el ómirindegi aıtýly oqıǵany kózben kórýdiń sáti tústi. 

Meniń nazaryma basty nysan – jer sharyn beıneleıtin «Nur-Álem» sferasy tústi. Sferanyń óze­gin­de bizdiń ulttyq pavılon orna­lasqan. Onda qazaqstandyq ǵa­lymdardyń eń ozyq jobalary kórsetilgen. Osy kórmeni ta­ma­shalap júrgenimde ózimniń qa­zaq ekenime, Qazaqstannyń aza­maty ekenime qýandym, maq­tan­­­dym! Sebebi, shetelderden kel­­­gen qonaqtar bizdiń ásem As­ta­na­myzǵa, ondaǵy ádemi de záý­lim ǵı­marattarǵa, kórme qa­la­shyǵyna tań­danystaryn ja­syra almaı, ta­ńyrqaı qarap jat­qan kezde boıym­dy maq­ta­nysh sezimi bı­ledi. Osy­nyń bá­ri, árıne, eldegi tu­raq­­ty­lyq­tyń, Elbasymyzdyń kó­regen saıasatynyń arqasy.

Aldaǵy ýaqytta EKSPO kór­mesin tamashalaýǵa aýdany­myz­dyń birqatar eńbek adamdary ba­ra­dy dep josparlanýda.

Maralbek AMANTAEV,

Batys Qazaqstan oblysy