Otandyq ónimniń órisi keńeıedi

Buqaralyq aqparat quraldary ókil­deriniń zaýyt basshylyǵymen bol­ǵan kezdesýinde biraz jaıt orta­ǵa salyndy. Seriktestiktiń bas dı­rek­t­ory Oleg Balybın zaýyttyń ón­diristik múmkindikterin alǵa tar­ta kelip, satý jelileri arqyly óz ónim­derin Qazaqstannyń kez kelgen óńi­rine jetkize alatynyn aıtty. Ol sóz retinde elimizdiń ózge de óńir­­lerindegi kásiporyndarymen baı­lanystar ornatýǵa múddeli eken­dik­terin de jasyrmady. Jalpy, ká­sip­oryn ázirge suranysqa ıe ar­zan da sapaly tirkemeli jáne as­paly aýyl sharýashylyǵy tehnı­ka­laryn shyǵarýdy keńeıtýge den qoıyp otyr. Bul turǵydan kel­gen­de Aýylsharýashylyq meha­nı­­­kalandyrý ǵylymı-zertteý ın­s­­tıtýtymen synaqtan ótken to­­pyraqty óńdeýge jáne sebýge ar­nalǵan aýylsharýashylyq teh­­nı­­kalarynyń konstrýktorlyq qu­jat­taryn berý týraly kelisim de bar. Jaqyn ýaqyttary alǵashqy nusqalary ázirlenip, odan keıin óndiriske jap­paı engizý jos­par­lan­ǵan. Zaýyt jylyna «PVP-351» «SHABYN» jınaý-presteý teh­nı­kasynyń 200 danasyn, «PR-F-145» «SHABYN» tehnıkasynyń 600 danasyn, aspaly jer jyrtý qu­ralynyń 150 danasyn jáne ózge de qural-jabdyqtardy shyǵara bas­taıdy. Zaýytta qazirgi kezde 78 adam jumys isteýde. 

Aýylsharýashylyq keshenin da­­mytý jónindegi jańa mem­le­ke­t­tik baǵdarlamanyń bas­ty maq­sa­tynyń biri zamanaýı aýyl­sha­rýa­shylyq tehnıkalarymen já­ne qural-jabdyqtarymen qamt­a­ma­syz etýdi arttyrý, sondaı-aq eli­mizdegi aýylsharýashylyq ma­shı­nalaryn jasaý salasyn damytý. Atalǵan mindetterdi tıimdi sheshý úshin quramyna memlekettik jáne kvazımemlekettik sektor, aýyl­sharýashylyq tehnıkalary men qural-jabdyqtaryn óndirýshi ká­siporyndar ókilderi kirgen ju­mys toby qurylyp otyr. Jumys to­by otyrysynyń qorytyndysy boı­ynsha mashına-traktor parkin ja­ńartýdy arttyrýǵa kedergi já­ne óndiris deńgeıiniń tómen bo­lýyna yqpal etetin sebepter sa­ra­la­nyp, Aýylsharýashylyq ma­shı­na­laryn jasaýdyń jol kartasy ázir­lendi. Jol kartasy qazirgi bar ón­diris qýatyn arttyrýmen qatar, jańa ónim túrlerin shyǵarýǵa da múm­kin­dik beredi dep kútilýde. Jáne sha­rýa­lardy sheteldik nusqalardan bir de kem emes otandyq sapaly da ar­zan tehnıkalarmen qamtamasyz etýi tıis. Aýyl sharýashylyǵy mı­nı­strligi tarapynan bul baǵytta bir­qatar sharalar qolǵa alynyp, sátimen júzege asyrylyp jat­qa­­nyn da qaperge sala ketken oryn­­dy. Bıylǵy jyldan bastap aýyl­sharýashylyq tehnıkasyn sa­typ alýdy sýbsıdııalaǵanda eń aldymen basymdyq otandyq ónim óndirýshilerge beriledi. Eger bu­ǵan deıin sheteldik bir kombaı­n úshin 30 mln teńge qarajat qajet bol­sa, qazirgi kezde osy aqshaǵa 3 kombaın satyp alý sýbsıdııa­la­na­dy. Jáne «QazAgro» AQ jelisi boı­ynsha otandyq tirkemeli já­ne aspaly aýylsharýashylyq teh­nıkalaryn lızıngke satyp alýdy je­ńildetilgen nesıemen qamt­ama­syz etý josparlanǵan. Osyndaı te­tik­terdiń arqasynda tehnıka sa­typ alý kólemin 50-70 paıyzǵa art­tyryp, 1,5-2 esege deıin ja­ńar­tý kózdelip otyr. Sonymen qa­tar, otandyq zaýyttardy qural-jab­dyqtar satyp alýy men jańar­týy úshin jeńildetilgen nesıemen qam­tamasyz etý baǵdarlamasy da jú­zege asyrylýda.

Asqar TURAPBAIULY,

«Egemen Qazaqstan»

Aqmola oblysy