– Aqtyq demimiz qalǵansha kúresetin bolamyz. Alǵashqy oıynda jibergen qatelikterimizden qorytyndy shyǵardyq. Bárin umytyp, Glazgodaǵy matchtaǵy esep ádil emes ekendigin kórsetkimiz keledi. Jankúıerlerimizdiń aldynda bar ónerimizdi kórsetetin bolamyz.
– Birinshi matchtan keıin elimizde «Astanany» qatty synǵa alǵandar boldy. Jigitterdiń psıhologııalyq jaǵdaıy qandaı?
– О́zim jaıly aıtar bolsam, mundaı synǵa qatty mán bermeýge tyrysamyn. Árkimniń óz oıy, pikiri bar. Bizdiń jumysymyz – alańǵa shyǵyp, joǵary deńgeıde oınaı alatynymyzdy dáleldeý.
– «Astana» teń nátıjeni qanaǵat tuta ma álde kelesi kezeńge ótýden áli de bolsyn úmitti me?
– Bárimiz bes nemese odan da kóp gol aıyrmashylyǵymen jeńýdi armandap júrmiz dep oılaımyn. Basty maqsatymyz – alańǵa shyǵyp, jankúıerlerimizdi qýantý. Al qandaı esep tirkeletinin erteń kóremiz.
– «Seltıkti» qandaı jaǵdaıda uta alamyz dep oılaısyz?
– Biz óz alańymyzda, jankúıerlerimizdiń aldynda oınaımyz. Múmkindikterimizdiń bárin paıdalanýymyz kerek. Árıne, azdaǵan sáttilik bolsa jeńiske jetýimizge bolady.
– Glazgoda «Seltık» «Astanadan» áldeqaıda basym boldy dep oılaısyz ba, álde qatelikteri úshin jazalady ma?
– Men úshin alǵashqy match ótkenniń enshisinde qaldy. Tıisti qorytyndyny shyǵardyq. «Seltık» jaqsy komanda, qatelikterimizdi múlt jibermedi. Mundaı deńgeıdegi matchta jibergen kishkene ǵana qateligiń úshin sybaǵańdy birden alasyń. Erteń barynsha jınaqy oınaýymyz kerek.
Aıan ÁBDÝÁLI,
«Egemen Qazaqstan»
