Qalalyq bilim berý bóliminiń málimetinshe, bıyl byltyrǵydan 800-ge artqan bala sanyn basqa oblystar men qalalardan, ózimizdiń aýyldardan kóship kelgen otbasylardyń ul-qyzdarymen tolyqqan. О́kinishtisi, aýyldan el kóshe bergen soń, óńirdegi aýyl mektepteri 2-3 ǵana oqýshysymen bos qalýda. Jergilikti jurt turaqtamaı, jappaı qalaǵa kóshe bergen soń, Soltústiktiń halqyn kóshirip ákelmekpiz. Oblys ortalyǵynda 44 mektep, 81 balabaqsha bar. 2016-2017 oqý jylynda qala mektepterindegi oqýshylar sany 38 myń bolsa, bıyl 41 myńǵa jetken.
Bilim berý júıesiniń materıaldyq-tehnıkalyq bazasyn damytýǵa bıýdjetten 1,2 mlrd teńge bólingeni. Bul qarajatqa 20 mektepke kúrdeli jóndeý jumystary júrgizilip, aldaǵy jańa oqý jylynda oqýshylar jańartylǵan baǵdarlama boıynsha oqýlyqtarmen qamtamasyz etilipti. Mektepterdegi kompıýterlik synyptar 316 kompıýtermen tolyǵyp, 25 mektepte robot tehnıkasy kabınetteri ashylypty. Al, aldaǵy 2017-2018 oqý jyly oblysta 13 myńǵa jýyq bala 1-synypqa barady degen málimetter bar.
Farıda BYQAI,
«Egemen Qazaqstan»
Pavlodar
