Ulybrıtanııa men Soltústik Irlandııa Birikken Koroldiginiń elshiligi jáne Elbasy kitaphanasynyń Taldaý ortalyǵy uıymdastyrǵan jıynda Qazaqstan-Brıtanııa qatynastarynyń 25 jyldyq kezeńi saralanyp, bolashaǵy baıandaldy.
Elimizge alǵash ret resmı saparmen kelgen Ulybrıtanııanyń Eýropa men Amerıka isteri jónindegi mınıstri Alan Dankanmen kezdesýge osy memlekettiń Qazaqstandaǵy Tótenshe jáne ókiletti elshisi Kerolın Braýn da qatysyp, áńgime qazirgi halyqaralyq qarym-qatynastardyń jaı-kúıi men Ulybrıtanııanyń qazirgi júıedegi róli jáne alar orny týrasynda órbidi.
Sondaı-aq, ashyq pikirtalas úlgisinde ótken kezdesýde A.Dankan halyqaralyq qaýipsizdik máselesine kóńil bólý men saýda-ekonomıkalyq qatynastardy damytý jaıyna toqtaldy. Qazaqstannyń turaqty ekonomıkalyq sot reformalaryn qoldaý arqyly eki el arasyndaǵy baılanysty nyǵaıtýǵa septigin tıgizetin tetikter jóninde de óz oılaryn ortaǵa saldy. Sonymen qatar, ol eki el seriktestigine eshqashan syzat túspeıtindigin shegeleı tústi.
Nurlybek DOSYBAI,
«Egemen Qazaqstan»
