Atap aıtqanda, tanys-tyrylymda Saýd Arabııasy, Lıvııa, Oman, Lıtva, Vatıkan, Palestına, Iran, Aýstrııa, Polsha, Belarýs, Nıderland, Túrkııa, Vengrııa, Ońtústik Koreıa, Ulybrıtanııa, Chehııa, Úndistan, Irak, Tájikstan, Germanııa, Brazılııa, Fınlıandııa jáne Shvesııa elderiniń ókilderi boldy.
«KAZAKH INVEST» UK» AQ basqarma tóraǵasynyń orynbasary Nursultan Jıenbaev Qazaqstandaǵy ınvestısııalyq ahýalǵa keńinen toqtalyp, halyqaralyq Doing Business qarjylyq korporasııasynyń reıtıngi boıynsha Qazaqstan qazir bıznes júrgizýdiń jeńildigi boıynsha álemniń 190 eliniń arasynda 35-shi oryn alatynyn aıtty. Sonyń ishinde «Mınorıtarlyq ınvestorlardy qorǵaý» boıynsha 3-shi, «Kontraktilerdiń oryndalýyn qamtamasyz etý» kórsetkishi boıynsha 9-shy orynda ekeni jetkizildi.
Sheteldik ınvestorlarǵa barlyq aımaqtarda «bir tereze» qaǵıdatymen qyzmet kórsetiledi, memleket tarapynan jasalatyn qoldaýlar kóp, olardyń arasynda salyqtyq preferensııalar da bar, dedi ol óziniń sózinde. Ekonomıkanyń sheteldik ınves-tısııa quıýǵa tartymdy sektorlarynyń qatarynda N.Jıenbaev mashına jasaý, agroónerkásip kesheni, hımııa, ınfraqurylym, taý-ken, metallýrgııa sektorlaryn atady.
Tanystyrylym aıasynda elshilikterdiń ókilderi N.Jıenbaevqa saýaldarmen qatar usynystardy da jasady. Máselen, bizdiń elderimizde ShOB ókilderi de Qazaqstanǵa kelýge qyzyǵýshylyq tanytar edi, solarǵa arnaıy jeńildikter usynsańyzdar durys bolar edi degen pikir de aıtyldy.
Kezdesýdi qatysýshylar paıdaly boldy dep baǵalady.
Jaqsybaı SAMRAT,
«Egemen Qazaqstan»
