Búgin bokstan Germanııanyń Gambýrg qalasynda ótip jatqan álem chempıonatynyń fınaldyq básekesi bastaldy. Fınalǵa Qazaqstan quramasynan úsh boksshy shyqqan bolatyn. 56 kılodaǵy Qaırat Erálıev álem chempıony atansa, Amanqul Ábilhan (75 kg) kúmis júldeni qanaǵat tutty.
Fınaldyq saıysqa qazaqstandyq boksshylardan sońǵy bolyp +91 kılo salmaqtaǵy Qamshybek Qońqabaev shyǵyp, el qorjynyna ekinshi kúmis júldeni saldy. Ol fınalda 2012 jylǵy Olımpıadanyń qola júldegeri, eki dúrkin álem chempıony (2011 jáne 2013), Eýropa chempıony (2013 jyl) atanǵan ázerbaıjandyq qarsylasy Magomedrasýl Medjıdovtan upaı sanymen jeńilip, bokstan 2017 jylǵy álem chempıonatynyń kúmis júldegeri atandy.
Aıta keteıik, Magomedrasýl Medjıdov 2013 jylǵy álem chempıonatynyń fınalynda qazaqstandyq boksshy Ivan Dychkonyń jegen bolatyn.
Eske salsaq, buǵan deıin Jomart Erjan (49 kg), Abylaıhan Júsipov (69 kg) jáne Vasılıı Levıt (91 kg) jartylaı fınalda qarsylastarynan jeńilip, álem birinshiliginiń qola júldegeri atanǵan bolatyn.
