Dástúrli sıpat alǵan ıgi sharaǵa Qazaqstan musylmandary dinı basqarmasynyń bas múftıi Erjan qajy Malǵajyuly, «Nur Astana» ortalyq meshitiniń bas ımamy Naýryzbaı qajy Taǵanuly jáne qala ımamdary qatysty.
Bıyl Astana ákimdigi qasıetti merekede qurbandyq shalýǵa on nysan bekitken bolatyn. «Altyn taǵa» bazarynda qurban aıttyń alǵashqy kúninde jalpy sany 70 bas iri qara mal qurbandyqqa shaldy. Bas múftı ıgi sharaǵa ún qosqan izgi júrekti halyqpen birge merekelik dastarhannan dám tatyp, ulyq meıramnyń qadir-qasıetin arttyryp, qaıyrymdylyqqa den qoıǵan barsha janǵa alǵys-tilegin jetkizdi. Saýapty aksııada shalynǵan qurbandyq etteri qala ákimdigimen birlese otyryp, áleýmettik turmys-ahýaly tómen otbasylarǵa taratylý ústinde. Aıta keteıik, «Rabbyń úshin qurban shal» sharasy úshinshi qyrkúıekke deıin jalǵasady.
