Alǵashqy jartylaı fınaldyq básekede Aıbek Nuǵymarov Mońǵolııa qazaǵy Serik Berdimuratpen beldisip, ekeýi de birinshi mınýtta búk upaıyn ıelendi. Aradan eki mınýt ýaqyt salyp Aıbek taǵy bir búk upaı alyp, jambas upaıymen jeńiske jetti. Alaıda, mońǵolııalyq balýan bul nátıjege kelispeı, óziniń narazylyǵyn bildirgen bolatyn. Biraq, tóreshiler jeńiske Aıbek Nuǵymarov laıyq dep tapty. Sóıtip, ol qatarynan ekinshi ret «Álem barysy» týrnıriniń fınaldyq beldesýine shyqty.
Al ekinshi jartylaı fınaldyq kezdesýde Erjan Shynkeev grýzııalyq balýan Gýran Týshıshvılımen kúsh synasyp, beldesýdiń sońǵy sekýndynda Erjan qarsylasynan taza ádispen jeńilip qaldy.
Sonymen, 2017 jylǵy «Álem barysynyń fınalynda Aıbek Nuǵymarov pen grýzın balýany Gýran Týshıshvılı beldesetin boldy.
