Toǵyzynshy raýnd: Qarsylasyn birneshe márte nokdaýnǵa jibergen Qanat Islam búgingi keshtiń basty kezdesýinde teknıkalyq nokaýtpen jeńiske jetti.
Besinshi raýnd: raýndtyń orta tusyna kelgende Qanat qarsylasyn ekinshi ret nokdaýnǵa jiberdi. Qanadadan kelgen boksshy ázirshe Qanattyń aýyr soqqylaryna tótep berýde.
Úshinshi-tórtinshi raýnd: Jekpe-jek basyn qarqynmen bastaǵan Qanat úshinshi raýndta qarsylasyn nokdaýtqa jiberdi. Qanattyń soqqylarynan Kýkty gonk úni qutqaryp qaldy. Tórtinshi raýndta da Qanat qarsylasyna qaraǵanda belsendi boldy. Alaıda, tóreshi Qanat Islam belden tómen soqqy jasady dep, upaıyn shegerip tastady. Birinshi raýndta da tóreshi Qanatqa belden tómen soqqy jasaǵany úshin aýyzsha eskertý bergen bolatyn.
Sonymen, sharshy alańdaǵy júrgizýshiler eki boksshynyń ataq-abyroıyn jankúıerlerge tanystyryp, tóreshi jekpe-jektiń erejesin eskertip, kezdesýdi bastaýǵa ruqsat berdi.
"Jaman bala" Brendon Kýk jekpe-jek aldynda Astanaǵa tek jeńis úshin kelgenin aıtqan-dy.
«Men negizi Qazaqstanǵa josparlanǵan ýaqyttan úsh kún erte kelip aldym. Ýaqyttyq beldeýge, aýa raıyna tez úırenisip kettim. Qanattyń jekpe-jekterin qarap shyqtym. Biraq, qazir sizderge ol týraly eshteńe aıta almaımyn. Bárin sharshy alań kórsetedi. Bul meniń syrt eldegi alǵashqy kezdesýim. Men elderińizge tek jeńis úshin keldim», - degen edi Kýk.
Janǵosh Turarov pen Brýno Romeıdiń jekpe-jegi 10 raýndqa sozyldy. Tartysty ótken jekpe-jekte Janǵoshtyń asyǵy alshysynan túsip, upaı sanymen jeńiske jetti.
Boks keshiniń mańyzdy kezdesýine az ýaqyt qaldy. Osy oraıda, Qanat Islamnyń baspasóz jıynynda aıtqan sózin oqı otyryńyz:
«Elordada tuńǵysh ret kezdesý ótkizbekpin. 9-shy qyrkúıek kúni sharshy alańǵa shyǵatyn boksshylardyń barlyǵy táýelsiz eldiń er-azamattary. Maqsatymyz - elge jeńis syılaý, qazaq boksshylarynyń myqty ekenin búkil álemge tanytý»
Keshti tamashalaýǵa qazaq kúresiniń, jalpy qazaq sportynyń aıboz uly Jaqsylyq Úshkempirov te keldi.
Boks keshi Janǵosh Turarov pen Brýno Romeı arasyndaǵy kezdesýmen jalǵasady. Bizdiń boksshy kásipqoı rıngte 21 ret óner kórsetken. Onyń qarsylasy argentınalyq sportshy da osynsha márte sharshy alańǵa shyqqan.
Jánibek pen Pereıro arasyndaǵy boks sońyna deıin sozyldy. Brazılııalyq sportshy jekpe-jek aıaqtalǵansha shydap berdi. Áıtse de, kezdesý barysynda Jánibek Álimhanuly aıqyn basymdyqpen jeńiske jetti.
Qazir sharshy alańǵa nokaýttyń sheberi Jánibek Álimhanuly kóteriledi. Onyń qarsylasy brazılııalyq Pereıro dos Santos. Aıta ketý kerek, bul Jánibektiń kásipqoı rıngtegi nebári 2-shi kezdesýi.
Rýslan Myrsataev qarsylasyn nokaýtpen tize búktirdi.
Jekpe-jekter qalaı ótip jatyr?
Altynshy jekpe-jek. Rýslan Myrsataev pen argentınalyq Andres Matıas kúsh synasady. Eki boksshy da kásipqoı rıngke endi qadam basqan soprtshylar. Myrsataev 4-shi, Matıas 6-shy jekpe-jegin ótkizbek.
Aıtyp aýyz jıyp bolǵanymyzsha Nursultan dóp tıgen soqqysymen Dýarteni nokaýtqa jiberdi.
Jańabaev jekpe-jek bastala sala qarsylasyn nokdaýnǵa túsirdi. Arty jaqsy bolsyn deıik.
Boks keshi jalǵasady. Rıngke taǵy bir brazılııalyq Aleks Sandro Dýarte men Tarazdyń tarlany Nursultan Jańabaev kóterildi. Búgingi kezdesý Nursultannyń kásipqoı bokstaǵy 3-shi jekpe-jegi. Jerlesimizge sáttilik tileımiz.
Kútkenimizdeı Alı Ahmedov jeńiske jetti. Tomas Djastınniń dym isteı almasyna kózi jetken tóreshi oıyndy toqtatty.
6 raýnd. Alı qarsylasyn eki ret nokdaýnǵa jiberdi. Tomas qolǵabyn tastaı qashar ma edi, gong daýsy estildi.
"Aýyl qaıda, sý qaıda?" Bul jekpe-jekti osylaı sýretteýge bolady.
Tomastyń myqtylyǵyn moıyndamasqa shara joq. 4 raýnd boıy taıaq jep júrip nokaýtqa túspeý - erlikpen para-par.
Búgingi keshti tamashalaýǵa kóptegen tanymal tulǵalar jınalǵan. Solardyń biri - Danııar Eleýsinov.
Zalǵa jınalǵan kórermender kóp.
Oppa! Ekinshi raýndta Alı qarsylasyn nokdaýnǵa jiberdi. Jańbyrdaı jaýǵan soqqylar dep osyny aıtýǵa bolady.
Birinshi raýnd. Alıdiń áleýeti qarsylasyna qaraǵanda joǵary ekeni anyq baıqalyp tur. Birneshe márte joıqyn soqqysyn darytyp úlgerdi.
Búgingi keshtiń 4-shi jekpe-jegi. Rıngke amerıkalyq Tomas Djastın men qazaqstandyq Alı Ahmetov shyǵady. AQSh boksshysy 18 kezdesý ótkizip, 7 márte nokaýtpen jeńgen. Alı 8 jekpe-jektiń bárinde qarsylasynan basym túsken. Bul jekpe-jek 10 raýndtan turady.
О́z jekpe-jeginen keıin Dımash Nııazov suhbat bergen. Onyń aıtýynsha, jankúıerlerdiń qoldaýy kóp kómektesipti. Bizdiń órenimiz qarsylasyn nokaýtpen jeńe almaǵany úshin keshirim surap jatyr. Keshiremiz be?
Bitti. Djonatan eki ret nokdaýnǵa túsken. Shákirtiniń taıaq jep jatqanyna tózbegen bapkeri rıngke súlgisin laqtyrdy. Osylaısha, birinshi raýndtyń 2 mınýtynda Aıdos Erbosynuly qarsylasyn qapy qaldyrdy. Argentınalyqqa ókpeleýdiń reti joq. Bary osy boldy.
Tóreshiler jekpe-jekti bastaýǵa ruqsat bere sala Aıdos bel sheshe kiristi. Onyń soqqylaryna argentınalyq shydaı almaı, rıngti aınala qashyp júr.
Keshimizdi jalǵastyramyz. Sharshy alańǵa argentınalyq Djonatan Barbadıllo men almatylyq Aıdos Erbosynuly kóterildi. Djonatan 17 jekpe-jek ótkizse, Aıdos úshin kásipqoı bokstaǵy nebári 7 kezdesý. Messıdiń jerlesiniń qarymy qalaı ekenin baıqaımyz. Ataqty otandasy sekildi Djonatan da jeńiske jete ala ma?
Ekinshi jekpe-jekte upaı sany boıynsha Dımash Nııazov jeńiske jetti. Úsh tóreshi de biraýyzdan bizdiń boksshyny jeńiske laıyq dep tanypty.
О́renderimizdi qoldaýǵa Danııar Eleýsinov, Dáýren Eleýsinov sekildi tanymal boksshylar da kelipti.
Dımashtyń soqqysy dóp tıgen saıyn kórermender qıqýlap ketedi. "Dımash", "Qazaqstan" degen urannyń qansha ret estilgeninen bizdiń boksshynyń soqqysy qanshaýy dál tıgenin baıqaýǵa bolady.
Jekpe-jektiń 5-raýndy ótip jatyr. Ázirge qaı boksshynyń soqqysy joıqyn shyǵyp jatqanyn aıtý qıyn. Eki sportshy da myqty eken. Bir-birinen basym túse alar emes. Áıtse de, Dımashtyń shoıyn judyryǵy nysanaǵa dóp tıip jatyr.
Zalǵa jınalǵan kórermender qaıta-qaıta "Dımash, Dımash" dep qoldap otyr. Aıta ketý kerek, búginde Qazaqstanda Dımash esimi tanymal. Muhıttyń ar jaǵynda júrgen qandasymyz bokstan bólek, eńbegi arqasynda halyqtyń yqylasyna bólengen-di.
Birinshi raýnd teń jaǵdaıda ótti dese bolady. Qarsylastar bir-biriniń osal tusyn ańdyp júrgendeı.
Dımash qazirgi tańda Nıý-Iork qalasynda polısııa bolyp qyzmet atqarady.
Búgingi keshtiń ekinshi jekpe-jegi taǵy bir brazılııalyq boksshy Edýardo Pereıro dos Reıs pen Dımash Nııazovtyń arasynda ótedi. Edýardo 22 ret sharshy alańǵa shyǵyp, 4 ret jeńilgen. Dımash kásipqoı rıngtegi 12-shi jekpe-jegin ótkizedi.
Birinshi raýndtyń 50 sekýndynda Meıirim Nursultanov qarsylasyn nokaýtqa jiberdi. Jekpe-jek bastala sala Meıirim alǵa lap qoıǵan. Brazılııalyq sportshy qazaq boksshysynyń jańbyrdaı jaýǵan soqqysyna tótep bere alǵan joq. Aıta ketý kerek, bul Meırimniń kásipqoı bokstaǵy 4 kezdesýi. Astanalyq sportshy sonyń bárinde jeńiske jetip, 3-eýinde qarsylasyn nokaýtqa jiberdi.
Sharshy alańǵa alǵash bolyp Meıirim Nursultanov pen brazılııalyq Ismael Býeno kóterildi.
«EKSPO-2017» halyqaralyq kórmesi aıasynda uıymdastyrylyp jatqan Qanat Islam men Brendan Kýk arasyndaǵy jekpe-jek bastaldy.
