– Elbasymyzdyń halqymyzdy rýhanı jańǵyrýǵa bastaǵan baǵdarlamalyq maqalasy jarııalanǵan kúnnen beri «Egemen Qazaqstanda» qazaq tilin latyn álipbıine kóshirý isine qatysty kóptegen paıymdy pikirler jaryq kórip keledi. Bul latyn álipbıine qatysty taǵdyrsheshti jobanyń tarıhı mańyzyn aıqyndaı túsedi, – degen ol Halyqaralyq Túrki akademııasynyń da osy jobaǵa qatysty irgeli zertteýler júrgizgenin atap ótti.
– Zertteýler nátıjesinde kóz jetkizgenimiz, latyn álipbıiniń túrkologııanyń ortaq álipbıi ekendigi. Máselen, kóne túrik jazbalaryn tańbalaǵanda túrkologtar latyn transkrıpsııasyn qoldanady. Buǵan Baskakovtar basqarǵan «Sovetskaıa Tıýrkologııa» da súıengen. Bul úrdis Reseıde áli de jalǵasyp keledi. Al Nıý-Iork ýnıversıtetiniń professory Larıssa Bonfante syndy ǵalymdar latyn álipbıiniń túp tamyry ejelgi etrýsk jazýyna tireletinin jazady. Túrki halyqtary týraly aýqymdy ensıklopedııalyq mura bolyp sanalatyn ortaǵasyrlyq «Kodeks Kýmanıkýs» latyn álipbıinde qaǵazǵa túsken. Bertinde, 1926 jylǵy Baký Quryltaıynda búkil ǵalymdarymyz latyn álipbıin tańdap alǵan. 1990 jyldardyń basynda túrki elderiniń ǵalymdary taǵy osyndaı toqtamǵa júgingen. Budan ańǵaratynymyz, latyn álipbıi – bizdiń fonetıkamyz ben dybys júıemizge eń jaqyn álipbı deýge bolady, – dedi Darhan Qydyráli.
Talqylaýǵa sondaı-aq, álipbı jobasyn ázirleýshi A. Baıtursynov atyndaǵy til bilimi ınstıtýtynyń jáne Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵynyń basshylary, joǵary oqý oryndarynyń rektorlary, ǵylym jáne mádenıet qaıratkerleri, ǵalymdar men sarapshylar, onyń ishinde sheteldikter, qoǵamdyq uıymdar men buqaralyq aqparat quraldarynyń ókilderi shaqyryldy. Parlamenttiń tyńdaý qorytyndysy boıynsha tıisti usynymdar qabyldanbaq.
Aıa О́mirtaı,
"Egemen Qazaqstan"
Sýretti túsirgen Erlan Omar,
"Egemen Qazaqstan"
