Jıyn barysynda qala ákiminiń orynbasary Nadejda Sharova Aıbek Nuǵymarovqa 1 mıllıon teńgeniń sertıfıkatyn tapsyryp, el jastarynyń Aıbek Nuǵymarovtan úlgi alyp ósetindikteriniń sózsiz ekendigin aıtyp, rızashylyǵyn bildirdi. О́z kezeginde «Álem barysy-2017» týrnıriniń jeńimpazy Aıbek Nuǵymarov ta aǵynan jaryldy.
– Halqym menimen árqashan birge! Áýejaıdan bastap qarsy alyp, qoshemettep jatyr. Men beldeskende jankúıer bolyp, tileýimdi tilep otyratyn Abaı eline, jerlesterime úlken rahmet! Meni jeńiske jetelegen Abaı atamyzdyń áni. «Kózimniń qarasy» ánin bala kezimnen aıtyp júretinmin. Osy án meniń boıyma týǵan jerge degen mahabbat, áke-sheshem men otbasyma, elim-jurtyma degen qurmet sezimin sińire bildi. Bul jeńisimdi jerlesterime arnaımyn! – dedi ataqty balýan.
Aıta ketý kerek, «Álem barysy-2017» halyqaralyq týrnırinde 38 elden kelgen 42 balýan baq synady. Júlde qory 30 mıllıon teńge boldy. Aıbek Nuǵymarov fınaldyq beldesýde grýzııalyq balýan, dzıý-dodan Eýropa chempıony Gýram Týshıshvılıdi jeńip, «Álem barysy-2017» atanǵan bolatyn.
Raýshan NUǴMANBEK,
jýrnalıst
SEMEI
