Bul bastama quqyq qorǵaý organdarynyń kıksherıng kompanııalary men jetkizý qyzmetteriniń ókilderimen ótken kezdesýde talqylanǵan.
Almaty qalasy polısııa departamenti bastyǵynyń orynbasary Ǵalym Sarǵulovtyń aıtýynsha, bul shara bızneske qysym kórsetý úshin emes, eń aldymen turǵyndardyń qaýipsizdigin qamtamasyz etýge baǵyttalǵan.
«Retsiz qaldyrylǵan samokattar tárkilenedi. Qaýipsizdikti qamtamasyz etý úshin kıksherıng kompanııalary, ákimdik, prokýratýra jáne basqa da múddeli taraptardyń qatysýymen vedomstvoaralyq jumys toby qurylady», dedi ol.
Jańa jumys toby elektrosamokattar, elektr velosıpedter, mopedter jáne kýrerlik qyzmetterdiń qaýipsizdigin arttyrýǵa arnalǵan naqty usynystar ázirlemek.
1 shildeden bastap elektrosamokattarǵa memlekettik nómir beriledi
Sońǵy jyldary elektrosamokattar qala turǵyndary arasynda keńinen qoldanylǵanymen, jol-kólik oqıǵalary da jıilegen. Polısııa dereginshe, 2025 jyly Almatyda elektrosamokattardyń qatysýymen 386 jol-kólik oqıǵalary tirkelgen.
