Úshinshi jarys kúninde sportshylar alty sport túrinen medaldardy sarapqa saldy. Olar – jeńil atletıka, djıý-djıtsý, taekvondo, velosport, Túrikmenstannyń ulttyq kúresi jáne aýyr atletıka.
Jarys alańyna birinshi taekvondoshylar shyqty. Jartylaı fınalǵa deıin qarsylastaryn ońaı jeńip kelgen 54 kılodaǵy sportshymyz Aıtýar Shakenov fınalǵa joldama berer saıysta tájikstandyq taekvondoshy Manýchehr Nematovtan jeńilip, qola medaldy qanaǵat tutty. Al fınalǵa shyqqan Qaırat Sarymsaqov (74 kg) altyn júlde úshin ótken kezdesýde ırandyq Mehdı Jalalıge 1:5 upaıymen ese jiberip, kúmispen kúpteldi. Sarymsaqov 2014 jyly Inchhonda ótken jazǵy Azııa oıyndarynda qola júlde ıelengen bolatyn.
Qurama qorjynyna úshinshi medaldy jeńil atlet Anastasııa Vınogradova saldy. Ol kedergiler arqyly 60 metrge júgirýden 8.59 sekýnd kórsetkishimen márege úshinshi kelip, jabyq ǵımarattaǵy jáne jaýyngerlik óner boıynsha V Azııa oıyndarynyń qola júldegeri atandy.
V Azııa oıyndarynda jalpykomandalyq esep boıynsha əzirge Túrikmenstan sportshylary (21 altyn, 18 kúmis, 10 qola (barlyǵy – 49)), О́zbekstan (3, 4, 19 (26)) jáne Taıland quramalary (3, 4, 5 (12)) úzdik keledi. Al Qazaqstan quramasy bir kúmis jáne bes qola medalmen 62 eldiń ishinde 16-shy orynda tur.
Álı BITО́RE,
«Egemen Qazaqstan»
