Týrnır jeńimpazy – Parlament komandasy

«Alataý» sport kesheninde Parlament Má­jilisiniń birinshi shaqyrylymynyń tóraǵa­sy, memleket jáne qoǵam qaırat­keri, ǵalym-ekonomıst Marat Ospanovty eske alýǵa ar­nalǵan shaǵyn fýtboldan jarys bolyp ótti. Úshinshi ret ótkizilgen bul fýtbol týrnırine elordada ornalasqan birqatar elshilik­terdiń komandalary da qatysty. Parlament Májilisi Tóraǵasynyń orynbasary Vladımır Bobrov bıylǵy jarystyń halyqaralyq mánge ıe bolyp otyrǵanyn aıta kelip, memleketimizde salamat­ty ómir saltyn ustanýǵa basa mán berilip kele jatqanyn málim etti. Osy oraıda Parlament memleket jáne qoǵam qaıratkeri Marat Turdy­bekulynyń júldesi úshin úshinshi ret jarys uıymdastyryp otyrǵanyn jetkizdi. Bıylǵy týrnırge 8 komanda qatysty. Jarys qorytyndysynda «Habar» agenttigi men Parlament komandasy fınalǵa shyqty. Tartysty ót­ken kezdesýde Parlament komandasy aıqyn ba­sym­dyqpen jeńiske jetip, bas júldege ıe boldy. Úshinshi oryn úshin bolǵan kezdesýdiń negizgi ýaqytynda Syrtqy ister mınıstrliginiń ókilderi men Ospanovtar otbasy komandasy 3:3 esebimen teń tústi. Penaltı boıynsha 2:3 esebimen basym túsken Ospanovtar otbasy alǵash ret qatysqan týrnırdiń júldegeri atandy. Jeńimpaz komandaǵa parlamenttik kýbok ta­bys etildi. Úzdik oıynshylar da marapat­tarǵa ıe boldy. Aıbatyr SEITAQ, jýrnalıst.