Fýlsang elordalyq komandanyń sapynda 2013 jyldan beri óner kórsetip keledi. Qazir «Astananyń» so-kapıtany. Ol Rıo-de-Janeıroda ótken Olımpıada oıyndarynyń kúmis júldegeri. Sonymen qatar, jastar arasynda kross kantrıden Danııanyń birneshe dúrkin chempıony, jekelegen jarystyń eki márte jeńimpazy. Bıylǵy maýsymda ol Fransııadaǵy «Krıterıým Dofıne – 2017» velokópkúndiginiń eki kezeńinde jeńiske jetip, jalpy esepte jeńiske jetti.
Jarystyń tyǵyz kestesine qaramastan Iаkob Fýlsang Almaty qalasynda uıymdastyrylatyn aýqymdy velojarysqa qatysady. Aıta keterligi, Fýlsang «Almaty týryna» alǵash ret qatysqaly otyr.
«Almaty týry» – kópkúndik mártebesine ıe boldy, sondaı-aq bıyl birinshi ret eki kezeńnen, ıaǵnı 30 qyrkúıek pen 1 qazan kúnderi ótedi. Daıyndyq kúnderi mynadaı is-sharalar uıymdastyrylady: jarysqa qatysatyn komandalardy 29 qyrkúıekte saltanatty túrde tanystyrý. Al 28 qyrkúıek kúni velojarystyń baspasóz konferensııasy ótedi.
«Almaty týry» jarysynyń resmı jabylýyn «Medeý» muz aıdynynyń sahnasynda uıymdastyrý josparlanyp otyr.
