Halyqaralyq EKSPO-2017 kórmesin ótkizý kezinde ahýal ortalyǵynyń jumys isteý tájirıbesi jáne de «Quqyqtyq tártip» jedel-aldyn alý sharasy onyń kommýnaldyq-turmystyq máselelerdi sheshý barysynda úılestirý salasynda jáne elordada qaýipsizdikti qamtamasyz etýde tıimdiligin kórsetti.
Astana qalasy ákimdigi apparatynyń mobılızasıondyq daıyndyq jáne aýmaqtyq qorǵanys bóliminiń basshysy Rýslan Ormaǵambetovtiń málimetinshe, aǵymdaǵy jyldyń 10 maýsymynan 10 qyrkúıek aralyǵynda 109 qyzmetine azamattardan 58 180 ótinish kelip túsken. Onyń 10 491-i – turǵyn-úı kommýnaldyq sharýashylyǵyna qatysty, al 47 689 – anyqtamalyq-aqparattyq mazmundaǵy suraqtar.
-Elorda turǵyndary men qonaqtary tarapynan shtattyq emes ahýaldar boıynsha túsken ótinish-shaǵymdar tez qaralyp, jedel sheshildi.
Budan bólek, ahýal ortalyǵy EKSPO-2017 aıasynda mádenı-buqaralyq jánesporttyq sharalardy ótkizý barysynda turmystyq qamtamasyz etý nysandary men kommýnaldyq qyzmettiń, kóliktiń ınfraqurylymnyń úzilissiz jumys isteýin, qoǵamdyq qaýipsizdiktiń qamtamasyz etilýin, jedel medısınalyq kómektiń kórsetilýin, órt qaýipsizdigin, jalpy elordanyń barlyq qyzmetin úılestirýdi qamtamasyz etti.
Qazirgi tańda ahýal ortalyǵynyń ary qaraı daturaqty túrde jumys isteý máselesin qala basshylyǵy qarastyryp jatyr, - dedi Rýslan Ormaǵambetov.
Esterińizge salamyz, Astana qalasy ákiminiń 2017 jyldyń 30 mamyryndaǵy ókimimen ahýal ortalyǵy qurylǵan bolatyn. Ony ashýdyń basty maqsaty - EKSPO-2017 halyqaralyq mamandandyrylǵan kórmesin ótkizý barysynda qaýipsizdikti qamtamasyz etý boldy. Onyń jumys isteýi úshin elorda ákimdigi apparaty, qalalyq basqarmalar men olarǵa qarasty mekemelerdiń qyzmetkerlerinen kórmeni ótkizý kezinde qaýipsizdikti qamtamasyz etý shtaby quryldy.
