Qazirgi ozyq tehnologııalar zamanynda latyn álipbıi qazaqstandyqtardyń rýhanı jańǵyrýy men jas býynnyń jańa satyǵa kóterilýine jol ashady. Sonymen qatar qazirgi qazaq tilindegi jat dybystar týdyratyn áripter qysqartylyp, til tazalyǵy máselesi sheshiledi. Latyn álipbıine kóshý – tilimizdi halyqaralyq dárejege kóterýdiń birden-bir joly. Prezıdent óz Joldaýynda Qazaq eliniń saıası-ekonomıkalyq, áleýmettik-mádenı, ǵylymı-aǵartýshylyq damýyn, halyqaralyq keńistiktegi ornyn jan-jaqty baǵamdap, ishki jáne syrtqy jaǵdaıdy tolyq eskerip, álipbıdi qashan, qandaı joldarmen aýystyrý kerektigine baılanysty sheshim shyǵardy. Arnaıy baǵdarlama bekitilip, qarjylyq qoldaýlar da kórsetilip jatyr. Osynyń barlyǵy Qazaqstannyń bolashaǵy úshin atqarylyp jatqan úlken sharalar bolyp tabylady.
Osy rette «Jumyla kótergen júk jeńil» demekshi, ár qazaqstandyq óz tarapynan latyn álipbıine kóshý baǵytyna qoldaý kórsetse, elimizdiń álemdegi ozyq otyz memleket qataryna qosylý kúni alys bolmaıdy. Prezıdent N.Á.Nazarbaev «Qazaqstan-2050» Strategııasynda Qazaqstandaǵy qazaqtar ǵana emes, tutas halyqtyń 95 paıyzy 2025 jyly memlekettik tildi ıgeredi dep boljady. Iаǵnı osy merzim aralyǵynda tutas halyq bolyp, latyn álipbıiniń el sanasyna sińisýine jol ashylǵan. Bul da Elbasymyzdyń asa kóregen saıasatynyń biri deýge bolady.
Osy oraıda Qazaqstan Respýblıkasy kásipodaqtar Federasııasy Elbasymyzdyń atalmysh bastamasyn tolyqqandy qoldaı otyryp, elimizdiń rýhanı jańǵyrýy jáne damýy jolynda eńbek etýge daıyn. Sebebi kásipodaqtar ujymy sanany jańǵyrtý máselesine óte kóp kóńil bóledi. Ásirese jastar arasynda ǵylym men bilim básekelestigine jol asha otyryp, kásibı deńgeıde damýyna basa nazar bólingen. Iаǵnı Kásipodaqtar federasııasy ár kásipodaq múshesiniń latyn álipbıine kóshý baǵdarlamasyna qatysty tolyqqandy aqparattandyrylýy aıasynda jumystar júrgizedi.
Qazaqstan Respýblıkasy
Kásipodaqtar federasııasy
