Jyly júzdesý barysynda Alekseı Volkov din basshysyna 130 etnos pen túrli din konfessııalary beıbit pen kelisimde ǵumyr keshetin Qazaqstan sońǵy 25 jyl ishinde ekonomıkasy qarqyndy damyp kele jatqan derbes memleketke aınalǵanyn atap ótti. Qazaqstan ókili elimizde ıslamnan basqa pravoslavıe dininiń keń taraǵanyn aıtty. Bul oraıda, ol Qazaqstan qoǵamynyń ómirinde dástúrli konfessııalardyń, atap aıtqanda ıslam men pravoslavıeniń atqaratyn erekshe rólderine toqtaldy.
Alekseı Volkov pravoslavıe dininiń Qazaqstan men Grekııa arasyndaǵy dostyq pen birigýdiń faktory ekenine nazar aýdardy. Osy kontekste, qazaqstandyq dıplomat eki memleket arasynda dostyq kópiri sanalatyn elimizde ómir súretin kópsandy grek dıasporasynyń mańyzdylyǵyn sóz etti.
Saıası máseleler men Qazaqstannyń halyqaralyq bastamalaryn talqylaý barysynda, elshi memleketimizdiń konfessııaaralyq jáne ultaralyq kelisimdi saqtaý jáne de Qazaqstan Prezıdenti N.Nazarbaevtyń jahan sheńberinde dinaralyq dıalogty alǵa tartýdaǵy jeke úlesine erekshe mán berdi. Osy oraıda, A.Volkov Arhıepıskop Ieronım II-ni Qazaqstanda qurylǵan dıalog alańy – Álemdik jáne dástúrli dinder lıderleriniń kezekti sezine atsalysýǵa shaqyrdy.
О́z kezeginde, Arhıepıskop Ieronım ΙΙ Qazaqstan elshisin berilgen aqparat pen elderimiz arasynda dostyqty nyǵaıtý baǵytynda qosyp kele jatqan úlesi úshin shynaıy alǵysyn bildirdi. Ol Qazaqstannyń dinaralyq dıalogty damytýdaǵy tájirıbesin muqııat zertteýge nıetin bildire otyra, 2018 jyly ótetin Álemdik jáne dástúrli dinder lıderleriniń kezekti VI sezine qatysatynyn jetkizdi.
