Sharaǵa Astana qalasy Bilim basqarmasynyń basshysy Ánýar Janǵozın, Qazaqstan kásipodaq tóraǵasynyń orynbasary Aıgúl Muqasheva, Astana qalasy Bilim qyzmetkerleriniń qalalyq «Ádilet» kásipodaǵynyń tóraıymy Balsulý Naýryzbaeva, Astana qalasy Bilim basqarmasynyń personaldy basqarý bóliminiń basshysy Jańyl Qylyshbaeva qatysyp, mereıli merekemen quttyqtap, aq tilekterin aqtardy.
Sonymen qatar, kesh barysynda otbasylyq eńbek ótili 100 jyldan asqan ustazdar marapattaldy. Olardyń qatarynda áýlettiń eńbek ótili 341 jyldy quraıtyn №54 mektep-lıseıdiń bastaýysh synyp muǵalimi, Ybyraı Altynsarın tósbelgisiniń ıegeri Gúlbarsha Búrkitbaıqyzy, áýlettiń eńbek ótili 327 jylǵa jetken №38 mektep-lıseıdiń matematıka pán muǵalimi Baıtemir Dilbar sııaqty on shaqty muǵalim bar. Odan bólek jumys ótili 20 jyldan asatyn tálimgerler men eńbekti endi bastap, óz qyzmetinde belsendilik tanytyp júrgen birneshe mamandar da marapattan tys qalmady. Alǵys hatqa ıe bolǵan árbir muǵalimge 100 000, 70 000, 50 000 teńge kóleminde syıaqy tabys etildi.
Raýan QAIDAR,
«Egemen Qazaqstan»
