Eger mektepke deıingi jáne mektep jasynda balalaryńyz bar bolsa;
Eger bolashaqty oılaıtyn ata-ana bolsańyz;
Eger balańyz bilim granttarynyń úılestirilýine táýeldi bolmasyn deseńiz;
Eger balańyzdyń bankte onyń bolashaǵyna arnalǵan jeke shoty bolǵanyn qalasańyz, onda kirisińizdiń bir bóligin balańyzdyń keleshekte Qazaqstanda ne shetelde bilim alýyna jınaqtaýdy bastaıtyn kez keldi!
Memlekettik bilim berý jınaqtaý júıesi sheńberinde bilim berý depozıtin ashyp, aı saıyn bankten syıaqy (bankke baılanysty 14%-ǵa deıin) jáne jylyna bir ret memleketten syılyqaqy (5% nemese 7%) alatyn bolasyz.
7% syılyqaqy basymdylyqty sanattaǵylarǵa: jetim balalar, múgedekter, az qamsyzdandyrylǵan jáne kóp balaly otbasylaryndaǵy balalarǵa beriledi.
Osylaısha depozıt boıynsha jalpy tabystylyq jyldyq 21%-ǵa deıin bolady.
Kórnekilik úshin aı saıynǵy jarnalar ártúrli bolǵandaǵy jınaqtaýdyń úlgi esepterin alyp kórelik. Mysaly, bastapqy jarna 7000 teńge, banktiń paıyzy 13,5%, memleket syılyqaqysy 5% bolǵanda:
Joǵary tabystylyq jáne paıyzdardyń kapıtaldandyrylýy jınaqty aqshanyń qunsyzdanýynan qorǵap qana qoımaı, qomaqty qor jınaýǵa múmkindik beredi. О́ıtkeni, paıyzdardyń kapıtalǵa aınalýy salym boıynsha jınalǵan paıyzdardan qosymsha depozıttik paıda alýǵa múmkindik beredi.
Qazirgi ýaqytta depozıtterdiń barlyq túrleri boıynsha mólsherlemelerdiń tómendeý úderisi baıqalýda, sondyqtan MBJJ sheńberinde banktiń 12% -14% aǵymdaǵy paıyzdyq mólsherlemelerimen depozıt ashýǵa asyqqandaryńyz jón.
Aıta ketetin mańyzdy jaıt, bul depozıt úshinshi taraptardyń tyıym salýlary men basqadaı shekteýlerinen zańnamamen qorǵalǵan (QR Azamattyq kodeksimen; QR Qylmystyq-prosestik kodeksimen; QR Azamattyq prosestik kodeksimen;
«Qazaqstan Respýblıkasyndaǵy bankter jáne bank qyzmeti týraly» QR Zańymen; «Atqarýshylyq is júrgizý jáne sot oryndaýshylarynyń mártebesi týraly» QR Zańymen).
Sondaı-aq bilim berý depozıtteri 10 mıllıon teńgege deıingi somada Qazaqstannyń depozıtterge kepildik berý qorymen qorǵalǵan.
Sonymen qatar, jınaqtyń somasy men merzimderin salymshy óz betinshe belgileıtindigin aıta ketý kerek. Bul sizdiń otbasyńyzdyń bıýdjeti úshin óte qolaıly jáne oǵan júk túsirmeıdi. Jınaqtaýdy jalǵastyryp, memleket syılyqaqysyn ala otyryp, oqýdyń aqysyn bólshektep tóleı alatynyńyz da asa ońtaıdy.
Joǵary bilim alýǵa bilim grantyn ıelengen jaǵdaıda salymshy jınaǵyn memleket syılyqaqysymen birge alýǵa, ony basqa tulǵanyń atyna aýdarýǵa, bilimniń basqa deńgeılerin alý úshin jınaqtaýdy jalǵastyrýǵa quqyly.
Salymshy kez kelgen ýaqytta shartty buzyp, óziniń salǵan aqshasy men banktiń syıaqysyn ala alady. Bul jaǵdaıda memleket syılyqaqysy memleket bıýdjetine qaıtarylady.
Statıstıkaǵa súıensek, halyqtyń MBJJ-ǵa degen senimi kúnnen kúnge artyp keledi. Memlekettik baǵdarlama iske qosylǵaly beri 4 jylda 18000-ǵa jýyq salymshy jalpy somasy 12 mlrd teńgege bilim berý depozıtterin ashty.
MBJJ sheńberinde únemi áleýmettik álsiz toptaǵy balalarǵa bilim depozıtterin ashýǵa arnalǵan qaıyrymdylyq is-sharalary ótkiziledi.
Aıta keterligi, 2017 jylǵy 6 qyrkúıekte «Nur Otan» partııasy men «Jas Otan» JQ «Qarjy ortalyǵy» AQ-pen birlesip, Qazaqstannyń Parlament depýtattarynyń, kórnekti qaıratkerleriniń, bıznes-qoǵamdastyǵy ókilderiniń az qamsyzdandyrylǵan otbasylardaǵy balalardyń atyna bilim berý depozıtterin ashýyna baǵyttalǵan «Jarqyn bolashaqtyń kepili!» qaıyrymdylyq aksııasyna bastaý bergen bolatyn.
Búgin bastasańyz, erteń balańyz qalaǵan bilimin ala alady!
Depozıtti ashý úshin MBJJ-ǵa qatysýshy bankterdiń birine barý qajet, olardyń sharttary tómendegideı:
Taǵy bir qyzyqty jaıt, meıli ol ekinshi joǵary bilim, ne magıstratýra bolsyn, MBJJ-nyń kómegimen eresekter de óziniń oqýyna aqsha jınaqtaı alady.
Tolyǵyraq aqparatty 8 (800) 080-28-28 (baılanysý TEGIN) nómeri boıynsha Qazaqstan Respýblıkasy Bilim jáne ǵylym mınıstrligi «Qarjy ortalyǵy» AQ-nyń jedel jelisine habarlasyp, nemese www.fincenter.kz, www.depozit.fincenter.kz saıtynan ala alasyz.
