Áskerı bólimniń qyzmetkerleri keshki sporttyq júgirýden soń ózderiniń áskerı bólimshelerine qaraı jol jıegimen kele jatqan kezde, «Toıota Lend Krýzer» avtokóligi qyzmetkerdiń birin qaǵyp ketpek bolǵan. Áskerı qyzmetkerler áskerı bólimniń aýmaǵyna kirgen kezde birneshe kólikpen kelgen aýyl turǵyndary jasaq aýmaǵyna kirýge tyrysqan. Sol ýaqytta avtomattan joǵaryǵa oq atylyp, áskerı bólimniń aldyna adamdar toby jınalǵan. Aýyl turǵyny S.A. qoǵamdyq orynda quqyq qorǵaý organy ókilderin balaǵattaǵan. Aýdandyq sottyń qaýlysymen S.A. Qazaqstan Respýblıkasynyń ÁQBtK-niń 434-babynyń 1-bóligimen kináli dep tanylyp, 5 táýlikke ákimshilik qamaqqa alyndy.
Atyraý oblysy Isataı aýdanyndaǵy Janbaı aýyly – Kaspıı teńiziniń jaǵasynda ornalasqan. Zańsyz balyq aýlaýshylar kóp tirkeletin aýylda buǵan deıin de shekarashylarmen qaqtyǵystar bolǵan edi.
Baqytgúl BABASh,
«Egemen Qazaqstan»
ATYRAÝ
