QazUÝ jobalary Shanhaıdaǵy «Pujiang» ınnovasııalyq forýmynda tanystyryldy

Bul bedeldi ári yqpaldy forým­ 2008 jyldan beri ótkizilip keledi. Atalmysh forým ınnovasııalardy­ da­mytý men alǵa jyljytý, óz­ara táji­rıbe jáne ǵylymı jetis­tik­termen almasý, sondaı-aq ja­han­dyq ekonomıkanyń ózekti másele­le­rin sheshý joldaryn izdestirý sa­la­larynda elder arasyndaǵy yn­tymaqtastyq pen áriptestikti ke­ńeıtýge baǵyttalǵan.

QazUÝ rektorynyń «Birlesken ǵy­­lymı bilim berý jobalary – «Bir bel­­deý – bir jol»» bastamasyn da­my­­týdyń negizi» atty baıandama­sy forýmǵa qatysýshylardyń úl­ken qyzyǵýshylyǵyn týdyrdy. Ǵ.Mu­tanov Memleket basshysy N.Nazarbaevtyń «Qazaqstannyń úshin­­shi jańǵyrýy: jahandyq báse­kege qabilettilik» atty Joldaýynda al­ǵa qoıylǵan mindetterdi júzege asy­rý­ǵa negizdelgen ýnıversıtettiń jetistikteri, halyq­aralyq ynty­maq­tastyǵy jáne jobalary týraly aı­typ ótti.

Qazaqstannyń jetekshi ýnıver­sı­tetiniń bas­shysy ǵylymı-ınnova­sııalyq jobalardy birlesip júzege asy­rý jáne IT-tehnologııalar sala­syn­daǵy seriktestik Jańa Jibek jo­lyn damytýda da mańyzdy ról atqaratynyn atap ótti. QazUÝ Ja­ńa Jibek jo­ly ýnıversıtetteri alıansynyń Úıles­tirý komıtetiniń mú­shesi retinde ǵa­lam­dyq halyq­ara­­lyq bastamalar aıasynda bi­lim, ǵylym jáne ınnovasııa sa­la­syndaǵy yntymaqtastyqty tereń­detýdi kózdegen jobalarǵa qa­tysý­da.

«QazUÝ Elbasy Nursultan Nazar­­­baevtyń ıdeıasyn iske asyra ­oty­ryp, Jańa Jibek joly ýnıver­sı­tetteri alıansynyń halyqaralyq IT-tehnoparkin qurý bastamasyn usyn­dy. «Silicon Valley» mo­deli negizinde jasalatyn tehnopark álem­niń túkpir-túkpirinen ká­sip­ker­ler men ınvestorlardy tar­ta­tyn biregeı alańǵa aınalyp, IT-tehno­logııalardy damytý­da bir­den-bir draı­ver retinde qyz­met­ etetin bolady. Onyń negi­zin QHR úkimeti granty boıynsha­ beri­letin sýperkompıýter quraı­dy.­­ Búginniń ózinde atalmysh mem­le­­ketaralyq joba sheńberinde QazUÝ-de sýperkompıýterlik jáne bult­­ty esepteýler ortalyǵyn ashý ju­mystary júrgizilýde», dedi Ǵa­lym Mutanov forýmda sóılegen sózinde.

Rektordyń aıtýynsha, qa­zir­gi ýaqyt­ta QHR Ǵylym aka­demııasynyń Qashyqtyqtan zond­taý jáne sıfr­ly jer ınstıtý­tymen (RADI) bir­ge QazUÝ-de ǵylymı-zertteý orta­lyǵy qury­lýda. Qazaqstandyq ǵa­lym­dar­ naqty ýaqyttaǵy zondtaý­ de­rek­terin Qajǵarda (QHR) orna­lasqan qa­byldaý stansasynan  ala­tyn bo­lady. Bul qorshaǵan orta­nyń jaı-­kúıi, tabıǵı resýrstary, aýyl sharýashylyǵy, tótenshe jaǵ­daı­laryna jyldam monıtorıng ja­saýǵa jáne baqylaýǵa múmkindik be­redi, sondaı-aq «Ǵaryshtyq teh­nıka jáne tehnologııalar» ma­mandyǵy boıynsha bilim alatyn stý­dentterge tájirıbeden ótý úshin baza bolady. Sonymen birge ja­qyn arada QazUÝ osy jobamen biriktiriletin nano­spýtnıkti or­bıtaǵa shyǵarýdy jospar­lap otyr. 

Forým alańynda QazUÝ rektory Qytaıdyń birqatar jetekshi ýnı­versıtetteri men ǵylymı jáne bilim berý ortalyqtarynyń ókil­derimen yntymaqtastyq máseleleri jáne bir­lesken jobalardy júzege asyrý bo­ıynsha kezdesýler ótkizdi.

«Egemen-aqparat»