Ulttyq ekonomıka mınıstri Tımýr Súleımenov elimizdiń áleýmettik-ekonomıkalyq damý boljamy 2016 jylǵy JIО́ boıynsha eseptik derekter men osy jyldyń kórsetkishteri negizinde anyqtalǵanyn málimdedi.
2017 jyldyń basynan beri QR-da ekonomıkalyq belsendiliktiń jaqsarǵany baıqalady. Osy jyldyń toǵyz aıyndaǵy JIО́ ósimi 4,3%-dy quraǵan, al jalpy jyl qorytyndysy boıynsha ekonomıka ósimi 3,4% deńgeıinde bolady dep kútilýde. 2017 jyly ataýly JIО́ 51 855,3 mlrd teńge kóleminde boljanǵan, bul aqpanda maquldanǵan kórsetkishten 2 114,7 mlrd teńgege joǵary. Halyqtyń jan basyna shaqqanda JIО́ $8,7 myńǵa deıin ulǵaıady.
О́nerkásip ósimi taý-ken óndirisi salasynyń 8,2%-ǵa deıingi boljamdy ósimi men óńdeý ónerkásibiniń 4,5%-ǵa deıingi kútiletin ósimi esebinen 6,2%-ǵa deıin ulǵaıtylady dep qaıta qaraldy.
Munaı óndirý kólemi iri ken oryndarynda (Qashaǵan, TShO, Qarashyǵanaq) óndirý josparyn asyra oryndaý esebinen 81-den 84,5 mln tonnaǵa deıin ulǵaıtyldy. Aýyl sharýashylyǵynyń jalpy ónim kóleminiń ósimi 2,5% deńgeıinde saqtalǵan.
Ekonomıkalyq belsendiliktiń jaqsarýy men eksporttalatyn taýarlarǵa álemdik baǵanyń turaqtaýyn eskere otyryp, eksport boıynsha boljam $1,9 mlrd-qa $47 mlrd-qa deıin uıǵaıǵan, ımport maquldanǵan $32,7 mlrd deńgeıinde saqtaldy.
Túzetilgen makroekonomıkalyq boljam negizinde 2017 jylǵa arnalǵan respýblıkalyq bıýdjet parametrleriniń boljamy da naqtylandy. Respýblıkalyq bıýdjettiń 2017 jylǵy kiristeri (transfertterdi esepke almaǵanda) 4 952,8 mlrd teńge kóleminde baǵalanady, bul bekitilgen jospardan 60,8 mlrd teńgege joǵary kórsetkish.
Jer qoınaýyn paıdalanýshylardan túsetin korporatıvtik tabys salyǵy boıynsha, sonymen qatar memlekettik kásiporyndar kirisiniń bir bóligi men dıvıdentterdiń josparlanbaǵan túsimderi esebinen salyqtyq emes túsimder boıynsha negizgi asyra oryndaý oryn alady dep kútilýde.
Sonymen qatar úkimettik qaryz ósimin shekteý jáne elimizdiń táýelsiz reıtıngin saqtaý maqsatynda bıýdjet tapshylyǵyn 47,9 mlrd teńgege nemese JIО́ 3,1%-dan 2,9%-ǵa deıin qysqartý usynylǵan.
Ulttyq qordyń kepildi jáne maqsatty transfertteri buǵan deıin bekitilgen kólemde saqtalǵan.
