Qarjy mınıstri Baqyt Sultanov Jekeshelendirýdiń 2016-2020 jyldarǵa arnalǵan keshendi josparyna barlyǵy 877 nysan engizilgenin baıandady. 1 qazandaǵy jaǵdaı boıynsha 441 nysan satylymǵa qoıylsa, onyń 291 nysany 112,7 mlrd teńge somaǵa satyldy.
Satylǵan nysandardyń: satý baǵasy 8,3 mlrd teńge bolatyn respýblıkalyq menshiktegi 23 nysan, satý baǵasy 33,1 mlrd teńgeni quraǵan kommýnaldyq menshiktegi 162 nysan jáne satý baǵasy 71,3 mlrd teńge bolatyn kvazımemlekettik sektordyń 106 nysany. Budan ózge, 211 nysan qaıta uıymdastyrý jáne taratý kezeńinde.
Osylaısha, qaıta uıymdastyrylatyn jáne taratylatyn nysandardy esepke alǵanda Keshendi jospardy oryndaý aǵymdaǵy merzimge 74,3% quraıdy.
Jalpy 2017 jylǵa 473 nysandy ótkizý josparlanǵan, onyń ishinde búgingi tańda 251 nysan satylymǵa qoıyldy, 55,6 mlrd teńge somaǵa 112 nysany satyldy. 115 nysan qaıta uıymdastyrý jáne taratý kezeńinde. Osylaısha, jyl sońyna deıin 107 nysandy ótkizý qajet.
Nysandardy satýdyń nátıjeliligin taldaý nátıjeleri jalpy teńgerimdik quny 96 mlrd teńge kezinde 291 nysandy ótkizý somasy 112,7 mlrd teńgeni qurady.
Eń úzdik nysandardy ótkizý máselesi boıynsha 2017 jylǵa 24 nysandy ótkizý josparlanǵan, onyń ishinde 20 nysan ulttyq holdıngter men tórt nysan respýblıkalyq menshikke tıesili. Olardyń qazirgi ýaqytta 6-ýy satyldy jáne 11-i satylymǵa qoıyldy — bul «Samuryq-Qazyna» UÁQ segiz nysany men «Báıterek» UBH úsh aktıvi.
Respýblıkalyq menshiktegi eń úzdik tórt nysan boıynsha kelesi jumys júrgizilýde:
«Astana qonaq úıi» AQ, «Ulttyq ǵylymı medısınalyq ortalyq» AQ jáne «Qazmedteh» AQ nysandary boıynsha — baǵalaý júrgizýge táýelsiz konsýltanttar tartyldy jáne qazirgi ýaqytta baǵalaý boıynsha is-sharalar aıaqtalyp qaldy;
«Astana Halyqaralyq áýejaıy» AQ boıynsha — «Kókshetaý avıakompanııasy» AQ qosý arqyly qaıta uıymdastyrý boıynsha jumys júrgizilýde, jekeshelendirý túri boıynsha QR Úkimeti qaýlysynyń jobasy ázirlendi.
Ulttyq ekonomıka birinshi vıse-mınıstri Rýslan Dálenov «Samuryq-Qazyna» qorynyń aktıvterin básekeli ortaǵa berý úderisiniń tıimdiligin qamtamasyz etý jáne ony jedeldetý maqsatynda «Ulttyq ál-aýqat qory týraly» zańǵa túzetýler engizildi.
Budan ózge, Memleket basshysynyń tapsyrmalaryna sáıkes Bıýdjet kodeksine jáne «Memlekettik múlik týraly» zańǵa respýblıkalyq menshikti jekeshelendirýden túsken qarajatty Ulttyq qorǵa berýdi, sondaı-aq ulttyq holdıngter men ulttyq kompanııalardyń aktıvterin básekeli ortaǵa berýdi qarastyratyn túzetýler engizilgenin baıandady.
Memlekettik organdardyń vedomstvoǵa qarasty uıymdardy túgendeý nátıjeleri boıynsha memlekettik menshik pen kvazımemlekettik sektorda qalatyn, sondaı-aq taratylýy tıis nysandar tizilimi jasaldy. Memlekettik menshikte saqtalatyn uıymdar tizimi 6523 uıymnan turady, olardyń 85%-yn áleýmettik sala uıymdary quraıdy.
Qazirgi ýaqytta memlekettik organdar Memlekettik múlik tiziliminde árbir uıymǵa «memlekettik menshikte turaqty/ýaqytsha saqtaý», «taratý», «qaıta uıymdastyrý», «jekeshelendirý» mártebelerin beredi. Aldaǵy ýaqytta memlekettik menshikte saqtalatyn uıymdar tizimi MJÁ men básekeli ortany damytýǵa qatysty qaıta qaralady.
Osylaısha, qolǵa alynǵan sharalar kvazımemlekettik sektor nysandaryn jekeshelendirý úderisin zańnamalyq túrde jedeldetýge múmkindik berdi, sondaı-aq MJÁ aıasynda úlgilik kelisimsharttar jasaýǵa kómektesti.
Sondaı-aq, QR Úkimeti otyrysy barysynda «QazAgro» UBH basqarma tóraǵasy Nurlybek Málelov, «Báıterek» UBH tóraǵa orynbasary Aıdar Arıfhanov pen «Samuryq-Qazyna» UÁQ quqyqtyq súıemeldeý jáne táýekelder jónindegi basqarýshy dırektory Ǵanı Bıtenov baıandama jasady.
