Úsh zań da qabyldandy

Keshe bolǵan Parlament Senatynyń kezekti jalpy otyrysynda úsh zań jobasy qaraldy. Palata qaraýyna usynylǵan alǵashqy joba Qazaqstan Respýblıkasy men Qyrǵyz Respýblıkasy arasyndaǵy óteýsiz áskerı-tehnıkalyq kómek kórsetý týraly úkimetaralyq kelisimdi ratıfıkasııalaý týraly zań jobasy boldy. Bul qujatty ratıfıkasııa­la­ǵan depýtattar Qazaqstan Res­pýb­lıkasy men Birikken Arab Ámir­likteri arasyndaǵy Qylmystyq ister boıynsha ózara quqyqtyq kómek kórsetý týraly kelisimdi qabyldady. Bul kelisimge 2009 jylǵy naýryz aıynda Abý Dabıde (BAÁ) qol qoıylǵan bolatyn. Zań jobasy Qazaqstan Respýb­lı­ka­sy men Birikken Arab Ámirlik­te­riniń quzyretti organdary ara­syndaǵy aqparat almasý jáne qylmystardy tergeýde quqyqtyq kómek kórsetý jónindegi zańdyq negizderdi ornyqtyrýǵa baǵyt­ta­lyp otyr. Kelisim erejelerine sáıkes endi qatysýshy taraptar qylmystyq ister boıynsha is júr­gizý óndirisinde bir-birine kó­mek kórsete alady. Otyrysta sondaı-aq «Qazaq­stan Respýblıkasynyń keıbir zań­na­malyq aktilerine ýákiletti or­gan­dardyń memlekettik jáne bıýd­jettik josparlaý jónindegi qu­zy­retiniń arajigin ajyratý jáne bıýd­jet prosesin jetildirý másele­le­ri boıynsha ózgerister men tolyq­ty­rýlar engizý týra­ly» zań jo­ba­sy da qabyldandy. Bul bıýdjettik prosesterdi jetildirýge baılanys­ty bıýdjettik ınvestı­sııa­lardy jú­zege asyrý rásimderin ońtaı­lan­dyrý jónin­de­gi norma­lar­dy zań­na­malyq turǵydan bekitýdi kózdeıdi. Zań jobasy boı­yn­sha depýtat­tar­dyń saýaldaryna Eko­nomıkalyq damý jáne saýda mınıstri Qaırat Kelimbetov jaýap berdi. Otyrysta, sonymen birge, Q.Aıtahanov, B.Jylqyshıev, V.Red­kokashın, A.Savchenko, O.Rahmanberdıev, M.Bortnık, J.Tóre­gel­dı­nov ózderin tolǵandyrǵan má­se­lelerge oraı depýtattyq saýal­daryn jarııa etti. Asqar TURAPBAIULY.