Vıse-mınıstrdiń aıtýynsha, Qazaqstanda 2013 jyldan bastap jalǵyz, uzyndyǵy 217 shaqyrymdyq «Astana — Shýchınsk» aqyly avtojol ýchaskesi qyzmet kórsetedi.
«Qazirgi tańda ol óziniń tıimdiligin tolyq dáleldedi. Avtojoldyń bul ýchaskesin biz tek tólem alý esebinen, bıýdjet qarajatyn tartpaı-aq, ustap otyrmyz», — dedi ol.
Osyǵan oraı, QR IDM tek tólem alý esebinen joldardy aqaýsyz ustaýdy kózdeıdi. Degenmen, joldardy aǵymdaǵy, ortasha, kúrdeli jóndeý jumystary men olardy rekonstrýksııalaý respýblıkalyq bıýdjet qarajaty esebinen júrgiziletin bolady.
Sonymen qatar R. Sklıar bıyl jeltoqsan aıynda taǵy úsh ýchaske: «Astana — Temirtaý», «Almaty — Qapshaǵaı» jáne «Almaty — Qorǵas» joldary aqyly bolatynyn habarlady. Qazirgi tańda nysandarda jumystar aıaqtalyp jatyr.
«Keler jyly 5,5 myńnan astam shaqyrym aqyly avtojoldy paıdalanýǵa berýdi josparlap otyrmyz, olarǵa da bıýdjettik qarajat tartylmaıdy», — dep sózin túıindedi vıse-mınıstr.
