Temir Sarıevtiń aıtýynsha, Qazaqstannyń Prezıdenti Nursultan Nazarbaev Qyrǵyzstanǵa jan-jaqty qoldaý kórsetken. Eks-premer-mınıstr bılik aldyn ala áreketke kóshý kerek dep esepteıtinin aıtty. Mysaly, Reseıdiń Memlekettik Dýmasy Qyrǵyzstannyń mıgranttaryna óz eliniń júrgizýshi kýáligin qoldanýǵa tyıym salý týraly zańdy qarastyrýda. Sarıevtiń aıtýynsha, jańadan saılanǵan prezıdent te solaı áreket etýi kerek.
«Sooronbaı Jeenbekov qyzmetine kirispes buryn áreketke kóshe bergeni jón. Biz máseleni tek eki jaqtyń Prezıdentteri sheshe alatynyn bilemiz. Sondyqtan Jeenbekov bul máselede óziniń anyq pozısııasyn kórsetýi kerek", deıdi Sarıev. Onyń aıtýynsha, jańa prezıdent ınaýgýrasııany kútpeı, kelissózderdi bastaı bergeni jón.
Esterińizge sala ketsek, 10 qazanda Qazaqstan Qyrǵyzstanmen shekaradaǵy baqylaýdy kúsheıtken bolatyn. 18 qazanda Astanada úkimet basshylary kezdesip, jaǵdaıdy rettegen edi. Biraq júk kólikteri shekaradan ótken kezde áli de qıyndyqtarǵa tap bolýda, dep jazady basylym.
