Qyzmetkerlerdiń birin-biri baǵalaı bilýin, jaǵymdy qarym-qatynas ornatýyn jáne uıymdastyrýshylyq qabiletterin damytýyn maqsat etken trenıng «Sálemdesý», «Tanysý», «Sezin», «О́rmekshi tory», «Buzylǵan telefon», «Labırınt», «Men qandaımyn», «Jyly sóz» baǵyttary arqyly júrgizildi. Basshynyń jeke tulǵasyna tán mańyzdy qasıetterin, daǵdylary men biliktiligi jóninde maǵlumat berilip, strategııalyq oılaý, uıymdastyrý qabileti, kommýnıkasııa, syrtqy baılanys, qarym-qatyns daǵdylary, basshylyq stıli, jumys sapasyna kóńil aýdarý men madaqtaý, qoıylǵan maqsattarǵa qol jetkizý jáne t.b. osy qasıetterdiń barlyǵy qyzmet basshylaryna túsindirildi.
-Trenıngtiń jattyǵýlary ár tártip saqshysynyń, kýrsanttyń ózine jáne qasyndaǵy serigine degen senimdiligin, ujymnyń aýyzbirshiligi men vntymaqtastyǵyn arttyrýǵa úlken septigin tıgizedi. Trenıng kezinde qyzmetkerler arasynda jalpykomandalyq birlik pen dostyq qarym-qatynas, uıymshyl ujym ornatyp otyr, bir-birine degen syılastyq, ózara túsinýshilik, sabyrlyq pen aýyzbirshilik bolsa, alǵa qoıǵan maqsattarǵa jetýge múmkindik bar. Jalpy trenıng barysynda Mańǵystaý oblysynyń tártip saqshylary men qyzmetkerleri ózderiniń jeke basynyń qasıetterin tanı bildi. Jattyǵýdy áserli ótkeni baıqalyp, qatysýshylar ózderin sergek ári senimdi, jattyǵýlardyereje boıynsha tolyq bir-birimen kóńildi qarym-qatynasta oryndady. Qabiletti qyzmetkerler – iske, uıymdastyrýshylyqqa, qaramaǵyndaǵylarmen ózine senim bildirgen adamdarǵa jaýapkershiligin tereń jáne sanaly túrde sezine bildi, - deıdi Mańǵystaý oblystyq IID bastyǵynyń orynbasary polısııa polkovnıgi Jumaǵalı Bóken.
Trenıngtiń sońynda qyzmetkerler alǵan áserlerimen, óz oılarymen bólisip, trenıngtiń tıimdiligimen mańyzdylyǵyn aıtyp, alǵystaryn bildirdi.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
