Aımaqtar • 05 Qarasha, 2017

Atyraý oblysynda brakonerlerden 1 tonna 89 kg bekire balyǵy tərkilendi

366 ret

kórsetildi

1 mın

oqý úshin

Oblystyq orman sharýashylyǵy jəne janýarlar dúnıesi aýmaqtyq ınspeksııasy 5 qarasha kúni saǵat 7.55-te Isataı aýdany Janbaı selosynyń aýmaǵynda Kaspıı teńiziniń soltústik bóliginde júrgizgen reıd kezinde zańsyz balyq aýlaýshylardy ustady. Janbaı selosynyń aýmaǵynda jergilikti tórt turǵyn mingen brakonerlik qaıyq toqtatylǵan. Olardan 304 dana bekire tuqymdas balyq tərkilendi.

Egemen Qazaqstan

Atyraý oblysynda brakonerlerden 1 tonna 89 kg bekire balyǵy tərkilendi

-Zańsyz aýlanǵan balyqtardyń jalpy salmaǵy 1 tonna 89 kg. Ustalǵan tórt brakoner de Janbaı aýylynyń turǵyndary. Úsheýiniń jasy 26-da, bireýi 24-te. Olar Damba poselkesindegi ınspeksııa bólimine jetkizildi. Qýaty 200 at kúshine teń júzý quraly "Arnaýlyavtobaza" JShS-niń aýmaǵyna əkelindi,-deıdi oblystyq orman sharýashylyǵy jəne janýarlar dúnıesi aýmaqtyq ınspeksııasynyń basshysy Danııar Baımaǵambetov.

Kaspıı teńizine jaqyn ornalasqan Janbaı aýyly burynnan brakonerler mekeni retinde belgili. Jyl sanap azaıyp bara jatqan sý marjandaryn saqtap qalý maqsatynda jergilikti atqarýshy bılik aýyl turǵyndaryna arnap bos jumys oryndary jərmeńkelerin de ótkizgen. Jumyssyzdyqpen kúres sharalary júrgizilgenmen, aıdynǵa qarap alańdaıtyndar qatary əli azaıar emes.

Baqytgúl BABASh,

«Egemen Qazaqstan»

Atyraý.