Is-shara joǵary oqý oryndarynda áskerı daıarlaýdy uıymdastyrýdyń ózekti máselelerin talqylaýǵa, oqý úderisin jetildirýge, sondaı-aq memlekettik organdar men joǵary jáne joǵary oqý ornynan keıingi bilim berý uıymdary arasyndaǵy ózara is-qımyldy nyǵaıtýǵa baǵyttaldy.
Dóńgelek ústelge Parlament Senatynyń Halyqaralyq qatynastar, qorǵanys jáne qaýipsizdik komıtetiniń tóraǵasy Andreı Lýkın, QazATZÝ Basqarma tóraǵasy – rektory, UǴA akademıgi, ǵylym doktory Qanat Tireýov, Parlament Senatynyń depýtattary, Qazaqstan Respýblıkasy Ǵylym jáne joǵary bilim mınıstrliginiń, Qazaqstan Respýblıkasy Qorǵanys mınıstrliginiń, Ishki ister mınıstrliginiń Ulttyq ulanynyń ókilderi, sondaı-aq eldiń jetekshi joǵary oqý oryndarynyń áskerı kafedralarynyń basshylary qatysty.
Kóshpeli otyrys aıasynda Senat komıtetiniń músheleri QazATZÝ-dyń áskerı kafedrasynda bolyp, ofıserler men zapastaǵy serjanttardy daıarlaý jaǵdaıymen, oqý úderisiniń uıymdastyrylýymen, oqý-materıaldyq bazamen, arnaıy aýdıtorııalar men oqý kabınetteriniń jumysymen tanysty.
Jıyn barysynda Qorǵanys mınıstrliginiń Áskerı bilim jáne ǵylym departamentiniń bastyǵy, polkovnık Murat Oljabaev, S.Seıfýllın atyndaǵy Qazaq agrotehnıkalyq zertteý ýnıversıtetiniń áskerı kafedrasynyń bastyǵy, otstavkadaǵy polkovnık Tólegen Dýlambaev, sondaı-aq L.N. Gýmılev atyndaǵy Eýrazııa ulttyq ýnıversıtetiniń áskerı kafedrasynyń bastyǵy, general-maıor Edil Orazov baıandama jasady.
Otyrysta komıtet tóraǵasy Andreı Lýkın kóshpeli kezdesýdiń ýnıversıtettiń áskerı kafedrasynyń qyzmetimen tanysýǵa arnalǵanyn atap ótti. Atalǵan kafedra zapastaǵy ofıserler men serjanttardy tórt áskerı-eseptik mamandyq boıynsha daıarlaıdy. Oqý úderisin uıymdastyrý, bilim alýshylardyń áskerı-patrıottyq tárbıesi, materıaldyq-tehnıkalyq baza deńgeıi men professorlyq-oqytýshylyq quramnyń kadrlyq áleýetine erekshe nazar aýdaryldy.
Kóshpeli otyrys qorytyndysy boıynsha áskerı daıarlaý sapasyn arttyrýǵa, normatıvtik-quqyqtyq bazany jetildirýge jáne Qarýly kúshterdi sapaly ári suranysqa ıe zapastaǵy kadrlarmen qamtamasyz etýge baǵyttalǵan naqty usynymdar ázirleý josparlanyp otyr.
