Foto: Vıdeoskrın
Artýr Lastaevtyń pikirinshe, turǵyn úı quqyǵy – adamnyń irgeli quqyqtarynyń biri. Ol bul ustanym Adam quqyqtarynyń jalpyǵa birdeı deklarasııasynda jáne Ekonomıkalyq, áleýmettik jáne mádenı quqyqtar týraly halyqaralyq paktide bekitilgenin eske saldy. Sondyqtan baspanany tek múliktik sanat retinde qarastyrý – qate kózqaras.
«Adam úshin eń mańyzdysy ne? Ol eshbir sebepsiz baspanasynan qýylyp ketpeıtinine senimdi bolǵysy keledi. Konstıtýsııada turǵyn úı quqyǵyn qorǵaý kepildikterin bekitý elimizdiń áleýmettik ári quqyq qorǵaý sıpatyn, azamattardyń quqyqtary men bostandyqtarynyń buljytpaı saqtalatynyn aıǵaqtaıdy. Bul biz úshin asa mańyzdy. О́ıtkeni memleket rámizder úshin emes, onyń quramyndaǵy árbir adam úshin ómir súredi. Adamǵa baǵdarlaný bıliktiń árbir sheshimi men is-áreketinen kórinis tabýy tıis», dedi Adam quqyqtary jónindegi ýákil.
Kásipodaqtar federasııasynyń tóraǵasy: Jańa Konstıtýsııa jobasy eńbek adamdarynyń tilegimen úndesedi
Lastaev jańa Konstıtýsııa jobasy qoǵamnyń naqty suranystaryn eskeretinin, azamattardyń quqyqtary men múddelerin qorǵaýdyń ornyqty ári ashyq júıesin qalyptastyratynyn atap ótti. Onyń aıtýynsha, turǵyn úıge qatysty daýlardy sheshýde sottyń aıryqsha róli naqty kórsetilýi tıis.
«Baspanada turýǵa jáne odan shyǵarýǵa qatysty daýlardy tek sot sheshýi tıis. Sondyqtan Konstıtýsııada kelesideı normany bekitý usynylady: sot sheshiminsiz turǵyn úıden aıyrýǵa da, baspanadan shyǵarýǵa da jol berilmeıdi. Bireýler bul qoldanystaǵy zańdarda onsyz da bar dep aıtýy múmkin. Biraq bul qaǵıdany negizgi quqyqtyq qujatta bekitý onyń zańdy turaqtylyǵyn qamtamasyz etedi», dep túıindedi ol.
Jańa Konstıtýsııa jobasynda adam men azamattyq quqyqtyń ara-jigin ajyratý usynyldy
Adam quqyqtary jónindegi ýákildiń aıtýynsha, jańa Konstıtýsııa jobasy azamattardyń kúndelikti ómirde kezdesetin jaǵdaılaryn eskere otyryp ázirlengen. Qujat adamnyń qadir-qasıetin qorǵaýǵa, ádilettilik pen qaýipsizdikti qamtamasyz etýge baǵyttalǵan.
«Jańa Konstıtýsııa jobasy azamattar kúndelikti ómirde betpe-bet keletin jaǵdaılardy eskeredi jáne adamnyń negizgi quqyqtaryna nuqsan keltirýi múmkin sheshimderdiń aldyn alýǵa baǵyttalǵan. Júrgizilgen jumystyń nátıjeleri men talqylaýdyń aýqymyn eskere otyryp, usynylǵan joba azamattardyń múddelerin kórsetetin ári olardyń kútýlerine saı keletin qujat retinde jalpyulttyq referendýmǵa shyǵarylyp, qoldaý taba alady», dedi Artýr Lastaev.
Sonymen qatar jańa Ata zańda adamdardyń ómiri men densaýlyǵyn qorǵaý maqsatynda kóshirý qajet bolatyn jaǵdaılar da qarastyrylǵan. Alaıda mundaı jaǵdaıda da barlyq rásimderdiń qatań saqtalýyna jáne azamattyń sot arqyly qorǵaný quqyǵyna tolyq kepildik berilýi tıis.
