«Búgin tańerteń Úkimettiń keńeıtilgen otyrysynda Prezıdent Qasym-Jomart Kemeluly Toqaev azamattardy negizsiz turǵyn úıden shyǵarýdan jáne baspanasynan aıyrylýdan qorǵaý kepildikterin kúsheıtý qajettigine erekshe nazar aýdardy. Turǵyn úıge quqyq – bul áleýmettik kepildik qana emes, ásirese balalar týraly sóz bolǵanda, adamnyń qaýipsizdiginiń negizgi sharty», dedi Dınara Zákıeva.
Konstıtýsııalyq reforma jastarǵa qandaı múmkindikter usynady?
О́z sózinde Dınara Zákıeva halyqaralyq standarttarǵa sáıkes, balalar ómir súrý, damý jáne óz quqyqtaryn qorǵaý úshin eń qolaıly jaǵdaılarǵa quqyly ekenin jetkizdi.
«BUU Bala quqyqtary týraly Konvensııasynda árbir balanyń fızıkalyq, zııatkerlik, rýhanı, adamgershilik jáne áleýmettik damýyna jetkilikti ómir súrý deńgeıine quqyǵy bekitilgen. Bul qaýipsiz ári turaqty baspananyń bolýyn kózdeıdi. Bala úshin turǵyn úı – onyń ál-aýqaty men múddelerin qorǵaýdyń negizgi faktorlarynyń biri», dedi ol.
Sonymen qatar turǵyn úı qatynastary salasynda azamattardyń quqyqtary buzylý qaýpi erekshe aıqyn kórinip otyrǵany da aıtyldy. Dınara Zákıevanyń málimdeýinshe, quqyq qoldaný tájirıbesi buǵan dálel eken. О́ıtkeni azamattardyń quqyqtaryn shekteýge baılanysty áleýmettik táýekelder dál osy turǵyn úı qatynastarynyń úıden shyǵarý máseleleri týyndaǵan kezde aıqyn baıqalady.
Dınara Zákıeva qyzmet barysynda túrli qaıǵyly turmystyq ahýal saldarynan balalardyń jalǵyz baspanasynan aıyrylý qaýpine tap bolatyn jaǵdaılarǵa birneshe ret kezikkenin aıtty.
«Balalardyń óziniń jalǵyz asyraýshysy anasynan aıyrylatyn jaǵdaıdy mysalǵa keltireıin. Anasy kózi tirisinde baspanaǵa alynǵan ıpotekalyq nesıeniń edáýir bóligin ótegen. Soǵan qaramastan, buryn tólenip qoıǵan qarajat qaıtarylmaıtyn jaǵdaıda balalardyń jalǵyz baspanasynan aıyrylý qaýpi týyndady. Bizdiń ótinishimizdiń nátıjesinde bank qalǵan qaryzdy keshirý týraly sheshim qabyldady. Alaıda, mundaı oqıǵalar ókinishke qaraı, sırek emes», dedi Bala quqyqtary jónindegi ýákil.
Osyǵan baılanysty adam ómirindegi mańyzdy jáne balanyń eń qajetti múddelerin sot tarapynan eskerýsiz qaldyryp, turǵyn úıden aıyratyn jaǵdaılarǵa jol bermeıtin kepildikterdi bekitý qajet.
Bul turǵyda ol naqty konstıtýsııalyq norma usynylyp otyrǵanyn atap ótti.
«Osyǵan oraı, azamattardy turǵyn úımen qamtamasyz etý úshin jaǵdaı jasaý jónindegi memlekettiń mindetimen qatar, Konstıtýsııada turǵyn úıden sot sheshiminsiz shyǵarýǵa jol berilmeıtini týraly normany bekitýdi usynamyz», dedi Dınara Zákıeva.
Aıda Balaeva: Konstıtýsııalyq reformalar qoǵamdy jan-jaqty jańǵyrtýdyń berik negizin qalyptastyrady
Sóz sońynda ol usynylyp otyrǵan norma áleýmettik memlekettiń qundylyq baǵdarlaryn aıqyndaıtynyna nazar aýdardy.
«Turǵyn úıden sot sheshiminsiz shyǵarýǵa jol berilmeıtini týraly normanyń Konstıtýsııada kórinis tabýy – áleýmettik memlekettiń kemeldigin jáne adamnyń qadir-qasıetine degen qurmetti kórsetedi», dedi ol.
