Baspasóz málimetterine qaraǵanda, álemniń 100-den astam elderinen jınalǵan bilim mınıstrleri salanyń jahandanýy máselelerin IýNESKO aıasyndaǵy ornyqty damý maqsattarynyń biri retinde qarastyrdy. IýNESKO sessııasynyń negizgi oıy - bilim mazmunyn jańǵyrtý, salanyń jahandanýy men údemeli ınternasıonalızasııasy ǵalamdyq kózqarastaǵy jáne osyndaı jaýapkershiligi bar qazirgi zamanǵa saı jańa býyn qalyptastyrýdaǵy negizgi trendter bolyp otyr.
О́z sózinde Bilim jáne ǵylym mınıstri Qazaqstannyń bilim salasyndaǵy ornyqty damý maqsattary men ıntegrasııalyq úderisterdi qoldaıtynyn aıtty. Ol Astanada ótken «EHRO-2017» halyqaralyq kórmesiniń jetistikterin aıta kele, onyń negizinde BUU-nyń bes agenttikteriniń qoldaýymen qyzmetin únemi jalǵastyratyn Halyqaralyq «jasyl» tehnologııalar jáne «bolashaqtyń energııasy» ortalyǵyn quryp jatqany jóninde málimdedi.
E.Saǵadıev kórmeden keıingi kezeńde Islam yntymaqtastyq uıymyna múshe elderdiń ǵylymı zertteýleri men bilim salasyndaǵy jobalardy birlesip júrgizý jónindegi sheshimin Astanada uıymdastyrylǵan alǵashqy Ǵylym jáne tehnologııalar jónindegi sammıttiń nátıjesi retinde atap ótti.
Bilim salasynyń damý barysy týraly baıandaǵan mınıstr mektepterdiń joǵary synyptary men kolledjderde aǵylshyn tiliniń pándik deńgeıde engizý josparlary týraly aıtty. Sonymen qatar ol elimizdegi joǵary oqý oryndarynyń akademııalyq jáne basqarý eriktigi edáýir keńeıetindigi týraly málimdedi - bul bilim baǵdarlamalaryn quryp, basqarýdyń tıimdi tásilderin endirýge múmkindik berip, Qazaqstannyń Ortalyq Azııa aımaǵyndaǵy bilim ortalyǵyna aınalýyna septigin tıgizedi.
Bilim mınıstri eldegi JOO-na sheteldik stýdentterdi tartý jáne ulttyq kásibı standarttar jáne biliktilik qurylymyn halyqaralyq deńgeımen sáıkestendirý qajettigi máselelerin qozǵap, Qazaqstannyń IýNESKO aıasynda jasalyp jatqan barlyq bastamalarǵa qatysýǵa daıyn ekendigin jetkizdi.
