Álem • 06 Qarasha, 2017

Tehastaǵy atys: Kúdiktiniń aty-jóni belgili boldy

354 ret

kórsetildi

1 mın

oqý úshin

AQSh-tyń federaldyq jáne memlekettik quqyq qorǵaý ogandary Tehas shtatyndaǵy Sazerlend-Sprıngs qalasyndaǵy bapıstik shirkeýde 26 adamdy óltirgen kúdiktiniń buryn AQSh áskerı-áýe kúshterinde jumys istegen Devın Kellı ekenin rastady.

Egemen Qazaqstan

Tehastaǵy atys: Kúdiktiniń aty-jóni belgili boldy

26 jastaǵy Kellı 2010-2014 jyldar aralyǵynda Nıý-Meksıkodaǵy Holloman áýe bazasynyń materıaldy-tehnıkalyq qamtý bóliminde jumys istegen, dep habarlady Áskerı-áýe kúshteriniń baspasóz hatshysy Enn Stefanek.

Ol Tehas shtatynyń Nıý-Braýnfels qalasynda turǵan. Kellı balasy men áıeline shabýyl jasaǵany úshin 20 aıǵa qamaýǵa alynyp, áskerı statýsynan aıyrylǵan. Federaldyq tergeý bıýrosy kúdiktiniń úıin tintip, áleýmettik jelidegi paraqshalaryn tekserip jatyr. Kellıdiń Facebook áleýmettik jelisindegi paraqshasynda AR-15 tapanshasynyń sýreti tur.

Tehastyń Qoǵamdyq qaýipsizdik departamentiniń dırektory Frımen Martın kúdiktiniń qara kıimde bolǵanyn, ballıstıkalyq jılet kıgenin aıtty.

Esterińizge sala ketsek, Amerıkanyń Tehas shtatyndaǵy San-Antonıo qalasynyń mańyndaǵy baptıstik shirkeýlerdiń birinde qarýly er adam oq jaýdyryp, keminde 26 adam qaıtys boldy. Ondaǵan adam jaraqat alyp, aýrýhanaǵa jetkizildi.