Tótenshe jaǵdaılar departamentiniń aıtýynsha, túngi saǵat 02.00 shamasynda bastalǵan órt kezinde qutqarýshylar úıden 54 adamdy dalaǵa alyp shyqqan. Joǵarǵy qabattaǵy on adamdy órt sóndirý mashınasynyń arnaıy satysyn qoıyp, qutqarǵan. О́rt shyqqan bir bólmeli páterden áıeldiń denesi tabylǵan. Onyń jarty denesi kúıip ketken. Kórshilerdiń aıtýynsha, áıel psıhıkalyq aýrýdan zardap shekken, sonymen qatar bir ózi turǵan. О́rtti sóndirýge 24 órt sóndirýshi men 9 arnaıy tehnıka paıdalanyldy. Soǵan qosa órt sóndirýge Soltústik aımaqtyq aeromobıldik jedel-qutqarý otıadynyń jeke quramy men tehnıkalary da qatysty.
Jýrnalısterge kórshileriniń aıtýynsha, órtte janyp ketken áıel beıáleýmettik ómir súrgen. Ol úıge ot jaǵyp, tamaq pisirgen, osydan jarty jyl buryn da osy páterden órttiń shyǵýyna sebepker bolypty. Biraq ol órt sóndirýshilerdiń profılaktıkalyq júrgizgen jumystaryna mán bermegen.
Názıra Járimbet,
«Egemen Qazaqstan»
Qostanaı
