Sharaǵa Mádenıet jáne sport mınıstrliginiń departament dırektory Almaz Nurazhan, ekspedısııa jetekshisi, polıak saıahatshysy jáne zertteýshisi Iаsek Palkevıch, Mádenıet jáne sport mınıstrliginiń Qazaq ǵylymı-zertteý mádenıet ınstıtýtynyń dırektory Andreı Hazbýlatov jáne «Kazakh Tourism» Ulttyq kompanııasy» AQ Basqarma tóraǵasynyń orynbasary Tımýr Dúısenǵalıev qatysty.
Jıyn barysynda qatysýshylar ekspedısııa barysynda Qytaı, Qyrǵyzstan, О́zbekstan, Qazaqstan jáne Reseı, Belarýs pen Polsha arqyly ótý josparlanǵanyn jetkizip, jobanyń negizgi maqsaty – Uly Jibek jolynyń mártebesin qaıtarý, jandandyrý jáne Azııa men Eýropa arasyndaǵy saýda kerýenderi arqyly qatynasqan elderdiń mádenı baılanysyn nyǵaıtý ekenin tilge tıek etti.
«Jańa Jibek joly – 2018» halyqaralyq ekspedısııasy – Astananyń 20 jyldyq mereıtoıy aıasynda iske asyrylatyn joba. Sonymen qatar shara tarıhshylar, arheologtar men etnograftardyń qatysýymen, Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda iske asyrylyp, «Qazaqstannyń kıeli jerleriniń geografııasy» jobasymen sabaqtasady. Búgingi kúni biz osy baǵytta úlken jumys júrgizdik. Mádenı-tarıhı beldeýge kiretin nysandardyń tizimi jasaldy. Qazaq ǵylymı zertteý-mádenıet ınstıtýty qurastyrǵan vırtýaldy karta iske qosyldy. Josparlanǵan ekspedısııanyń nátıjeleri mádenı muramyzdy tolyqtyrýǵa múmkindik berip, ony búkil álemge áıgileıdi», dep atap ótti Almaz Nurazhan.
Ekspedısııa sáýir aıynda Qytaıdan bastalyp, maýsymda Polshada máresine jetetinin aıta ketsek deımiz. Onyń barysyn barlyq qatysýshy elder baqylaı alady, quramy men baǵyty týraly aqparatty jáne osy taqyryp boıynsha barlyq jańalyqtar ekspedısııanyń resmı saıtynda (http://silkroad-2017.com.) jarııalanady.
Raýan QAIDAR,
«Egemen Qazaqstan»
