Qusbegiler jarysyn qorytyndylaýǵa Almaty oblysy ákiminiń orynbasary Jaqsylyq Omar, «Qyran» federasııasynyń prezıdenti Nurlan О́nerbaı jáne ulttyq sporttyń qamqorshylary Oralbaı Əbdikərim, Qanat Ahmetov, Baǵdat Múptekeqyzy qatysyp, jeńimpazdarǵa syılyq tabystady.
Búrkitter básekesinde Astana qalasynan kelgen Kúntýǵan Serikbaıdyń «Tuıǵyn» atty búrkiti I oryndy ıelendi. II oryndy Atyraýlyq Arman Kúshqarovtyń «Aqedili» enshilese, III oryn Jambyldyq Serikbolsyn Jalǵasulynyń «Qapsalǵanyna» buıyrdy.
Qarshyǵalardyń saıysynda Almatylyq Seıitjan Beksultannyń «Kókjendet» atty qarshyǵasy I oryndy ıelendi. Jambyldyq Babajan Berikbolsynnyń «Qanjary» II oryn, Almatylyq Rınat Myrzabaevtyń «Alaý» atty qarshyǵasy III oryn aldy.
Qyran qusty qolda baptaǵan qusbegilerge de arnaıy syılyqtar tabystaldy. «Birjan sal» atyndaǵy syılyq Táttimbet Kápulyna, «Aqan seri» atyndaǵy arnaıy júlde Aldabergen Sháripovke, «Qapez sal» atyndaǵy syılyq Dýlat Aqanovqa berildi.
Taldyqorǵan mańyndaǵy Syrymbet aýylynda ótken halyqaralyqulttyq sport saısy «Jalaıyr Shora» qusbegilik mektebiniń qurylǵanyna 30 jyl tolýyna oraı Elbasynyń «Bolashaqqa baǵdar: rýhanı jańǵyrý» maqalasynda alǵa qoıylǵan maqsattardy júzege asyrý negizinde uıymdastyryldy. Sonarda tuńǵysh ret asaý úıretý, teńge ilý, qyzqýý, sadaq atý, aýdaryspaq, kókpar tartý boıynsha jarys ótkizildi.
Aıta keteıik, sporttyq sharany Qazaqstan Respýblıkasy Mədenıet jəne sport mınstrligi Sport jəne dene shynyqtyrý komıtetiniń, Ulttyq sport túrleri qaýymdastyǵynyń jáne «Qansonar» ańshylardyń qoǵamdyq birlestikteri men ańshylyq sharýashylyǵy sýbektileriniń respýblıkalyq qaýymdastyǵynyń qoldaýymen Almaty oblystyq týrızm, dene shynyqtyrý jəne sport basqarmasy men «Qyran» federasııasy uıymdastyryp otyr.
Ularbek NURǴALYMULY,
«Egemen Qazaqstan».
Almaty oblysy, Syrymbet aýyly
