Əzirge, týrnır kestesinde tórtinshi turmyz. Kúni keshe kósh bastap edik. Endi, Sankt-Peterborǵa baramyz. Aldymyzda azýly "SKA" komandasy kútip tur. Ashyǵyn aıtaıyq. Tabandyq tanytpasaq, jeńiske jetýimiz ekitalaı. О́ıtkeni, Sankt- Peterborlyqtar óz aıdynynda ólispeı berispeıdi.
Statıstıkaǵa súıensek. "Barys" eshqashan qonaqta "SKA" hokkeıshilerin jeńip kórmegen. Qos komanda osy ýaqytqa deıin Santk-Peterborda 9 oıyn ótkizgen. О́kinishtisi, 9 oıynda da opyq jeppiz. Byltyr 9-0 bolyp, ońbaı utylǵanbyz. Bul bizdiń hokkeıshilerimizdiń lıgadaǵy eń iri jeńilisi. Qurlyqtyq hokkeı lıgasy aıasynda jalpy 18 kezdesýdiń 4 oıynynda ǵana "Barys" basym bolǵan. Qalǵan 12-sinde "SKA" jeńis toıyn toılapty.
Komandamyzdyń quramynda ózgerister bar. Kúni keshe sońǵy eki jylda "Barysty" alǵa súıregen shabýylshy Marten Sen-Per "Admıralǵa" aýysyp ketti. Aldaǵy oıynǵa dıskvalıfıkasııaǵa baılanysty myqty oıynshylarymyzdyń biri Mett Frettın de qatysa almaıdy. Birneshe oıynshylarymyz jaraqat alyp qalǵan.
Degenmen, durys taktıka qoldansaq, kez kelgen qarsylasty jeńemiz, deıdi qorǵaýshymyz Darren Dıs. Durys sóz. Sóz ben is úılesse, jeńistiń aýyly alys emes. Shyndyǵynda sońǵy kezderi jeńilisten jalyǵyp kettik. Jańa oıynshylardan, jigerli jastardan jasaqtalǵan elordalyqtarǵa sengimiz keledi. Naıdjel Doýs, Talǵat Jaılaýov bastaǵan jigitterimiz aldaǵy kezdesýdiń jaýapkershiligin, mańyzdylyǵyn túsiner dep úmittenemiz. Evgenıı Koreshkov shəkirtteri endi jeńilse týrnır kestesindegi jaǵdaıymyz múldem qıyndaı túsedi.
Ak Bars» — «Barys» 2:0 (0:0, 1:0, 1:0)
Shaıbylar: 1:0 — 39:16 Klınkhammer (Kosov, Iаrýllın).
2:0 — 57:19 Glınkın (Iаrýllın, Obýhov).
«Ak Bars»: Garıpov — Mýsın-Tokranov, Kosov-Tkachýk-Klınkhammer; Markov-Iаrýllın, Sekach-Lander-Galıev; Ohtamaa-Lıamkın, Lýkoıanov-Potapov-Iаzkov; Sıdorov-Kara, Glınkın-Glýhov-Obýhov;
«Barys»: Karlsson — Dallmen-Dıs, Doýs-Veı-Markelov; Semenov-Saýtorn, Jaılaýov-Gýrkov-Starchenko; Savchenko-Polohov, Mıhaılıs-Shevchenko-Nıkýlın; Lıpın-Orehov, Akolzın-Sagadeev-Lıhotnıkov.
Eskertýler: 10:6 (2:4, 6:0, 2:2)
Bas tóreshiler: Sergeı Belıaev, Vıktor Spırın
Lınııadaǵy tóreshiler: Aleksandr Sadovnıkov, Sergeı Shelıanın
25 qarasha. Qazan. «Tatneft Arena».
Erkebulan Jomart
"Egemen Qazaqstan"
