Iá, sát, dep bastady isti, nurotandyqtar, ıá, sát... «Almaty-2020» baǵdarlamasy aıasynda jáne shahardyń 1001 jyldyǵyna oraı «Nur Otan» partııasynyń Almaty qalalyq fılıaly, bastaýysh partııa uıymdary jáne qala turǵyndarynyń qoldaýymen «Arý Almatyǵa – 1001 jasyl kóshet» atty aksııasy joǵarǵy kóńil-kúımen atalyp ótti. Sol kúni qala aýmaǵynda 1001 kóshet otyrǵyzylyp, aýlalar men kóshelerdi tazalaý jumystary ıgilikti dárejede júrgizildi. Bul aksııa bastaýysh partııa uıymdarynyń qatysýlarymen barlyq aýdandarda nurotandyqtardyń bir-birine izgilikpen aǵash syılaý estafetasyn joldaý barysyna ulasty.
Almatyny kórkeıtý máselesi barlyq turǵyndardy oılandyratyn tolǵaqty jaıttyń biri bolyp otyr. О́tken jyldyń ózinde 10 myń aǵash kesildi. Osynyń ornyn toltyrý úshin de aımaqty kógaldandyrýdy qatty qolǵa alýymyz kerek. Sondyqtan da jasyl ekpe aǵashtardy baptap kútý máselesi ózekti jaıt retinde eriksiz aldymyzǵa qoıylyp otyrǵanyn moıyndaýymyz qajet. Aksııa aıasynda ótkizilgen is-sharaǵa partııanyń qalalyq jáne aýdandyq fılıaldarynyń Saıası keńes músheleri, qyzmetkerleri, Almaty qalalyq máslıhat depýtattary, qoǵam qaıratkerleri, «Jas Otan» jastar qanatynyń ókilderi qatysty.
Aksııanyń ashylýynda «Nur Otan» partııasy Almaty qalalyq fılıaly tóraǵasynyń birinshi orynbasary Juldyz Omarbekova, Alataý aýdanynyń ákimi, partııanyń aýdandyq fılıalynyń tóraǵasy Shahmerden Rysbaev sóz sóılep, aǵash otyrǵyzýǵa qatysty. Senbilik «Alǵabas-6» shaǵyn aýdanynda «Nur Otan» partııasy Alataý aýdandyq fılıalynyń aldynda saltanatpen bastaý aldy. Keler kóktemde amandyq bolsa 1001 túp jasyl jelek búr jara bastaıdy. Sóıtip Alataýdyń etegi aldaǵy kezde jasyl beldeý retinde óz reńin áspetteı beretinine senesiń.
Saparbaı PARMANQUL,
«Egemen Qazaqstan»
ALMATY
