Energetıka mınıstrliginiń bastamasymen byltyr 21 qarashada «О́KM Operatory» JShS Tozyǵy jetken kólik quraldaryn joıýǵa ótkizý baǵdarlamasyn iske qosqan bolatyn. Qujat erejesine sáıkes, M1 sanattaǵy salmaǵy 3,5 tonnadan aspaıtyn jeti orynǵa deıingi jeńil avtokólik quraldary qabyldaný kerek. Eski kóligin joıýǵa ótkizgen kólik ıelerine aqshalaı ótemaqy tólenedi. Beriletin ótemaqy kóliktiń jıyntyǵyna qaraı eki sanat boıynsha anyqtalady. Iаǵnı tolyq jıyntyqtaǵy kólik – 150 myń teńge jáne tolyq emes jıyntyqtaǵy kólik 48 myń teńge kóleminde baǵalanady. Baǵdarlama talaby www.auto.recycle.kz saıtynda tolyq kórsetilgen.
Bıylǵy 26 maýsymnan bastap elimizde jeńil jáne júk kólikterin joıýǵa tapsyryp, otandyq avtoóndirýshilerden sý jańa kólik satyp alýǵa jeńildik beriletin sertıfıkat baǵdarlamasy da iske qosyldy. Jeńildikti sertıfıkat quny tapsyrylatyn kólik quralynyń sanatyna baılanysty 315 myń teńgeden 650 myń teńge aralyǵynda baǵalanady. Bul jobany júzege asyrýǵa Energetıka mınıstrligi 23 000 kvota qarastyrǵan. Onyń 20 myńy M1 sanatyndaǵy jeńil avtokólikterge tıesili bolsa, 1836-sy M2, N1, N2 sanattaryndaǵy jolaýshylar jáne júk kólikteriniń, 1164-i M3, N3 sanatyndaǵy 5 tonnadan jáne 12 tonnadan joǵary kólik quraldarynyń enshisinde.
Mamandardyń málimetinshe, sertıfıkat baǵdarlamasy boıynsha búginge deıin 4 494 avtokólik qabyldanǵan. Tabystalǵan sertıfıkattyń 1710-y otandyq óndirýshiden 930 avtokólik satyp alýǵa paıdalandy. Osy jerde aıta keterligi, erejege sáıkes, eki sertıfıkatty biriktirýge bolady. Baǵdarlamanyń maqsaty – otandyq parkti jańartyp, qazaqstandyq avtoóndiristi yntalandyrý jáne ýtıldeý salasynyń ınfraqurylymyn qalyptastyrý.
Qazaqstannyń 17 qalasynda О́KM Operatorynyń eski kólikterdi turaqty qabyldaıtyn beketi jumys istep tur. Sonymen qatar oblys ortalyǵynan shalǵaıda jatqan eldi mekenderdi qamtý maqsatynda arnaıy jyljymaly mobıldi beket qyzmeti iske qosylǵan. Mobıldi beket 30 qazan men 21 qarasha aralyǵynda Qaraǵandy, Aqmola, Pavlodar jáne Almaty oblystaryndaǵy jeti birdeı eldi mekendi aralap, 300-den astam eski avtokólikti qabyldady.
Baǵdarlama bastalǵan kúnnen beri О́KM Operatory Tozyǵy jetken kólik quraldaryn satyp alý jáne sertıfıkat berý baǵdarlamasy boıynsha bas-aıaǵy 39 099 avtokólik qabyldady. Eski kóligin joıýǵa tapsyrǵan belsendi aımaqtardyń arasynda Ońtústik Qazaqstan oblysy kósh bastap tur. Odan keıin Qostanaı men Kókshetaý qalasy úzdik úshtikte ornalasqan. Joıýǵa eń kóp tapsyrylǵan kólikterdiń basym bóligin keńestik kezeńde shyǵarylǵan («Jıgýlı», «Moskvıch», «Volga» t.b.) kólikteri quraıdy. Olardyń arasyndaǵy eń kónesi 1946 jyly shyqqan «Moskvıch» bolsa, eń jańasy – 2014 jyly shyǵarylǵan «LADA-21901» kóligi. Degenmen, ótkizilgen eski tehnıkalardyń arasynda sheteldik kólikter de az emes.
Resmı statıstıkaǵa súıensek, Qazaqstanda 4 mıllıonǵa jýyq jeńil avtokólik tirkelgen. Sonyń 60 paıyzdan astamynyń qoldanysta júrgenine 10 jyldan asyp ketken.
Ashat RAIQUL,
«Egemen Qazaqstan»
