Úshinshi jyl qatarynan uıymdastyrylyp otyrǵan fleshmob respýblıkadaǵy barlyq zııatkerlik mektepterde ótip jatyr. Birlesken jobanyń basty maqsaty- kópshilikti merekemen quttyqtaý, egemen elimizdiń erkin urpaqtarynyń ónerin tanystyrý, - deıdi mektep dırektorynyń tárbıe isi jónindegi orynbasary Altynzer Ihsanova.
Bıylǵy fleshmobtyń ereksheligi, kúmbirletip kúı oryndaıtyn oqýshylar sanynyń artýy bolyp otyr. Sharada 35 kúıshi ortalyqqa kelýshiler aldynda Qurmanǵazynyń «Saryarqa», «Adaı», «Balbyraýyn» kúılerin oryndady. Sondaı-aq, Nurǵısa Tilendıevtiń «Ata tolǵaýy», «Álqıssa» kúıleri de kórermenniń kóńilinen shyqsa, «Keremet» bı ansambliniń tárbıelenýshileri «Asa taıaq» bıin bıledi.
Prezıdent kúni qarsańynda zııatkerlik mektepte basqa da tanymdyq sharalar ótti, dep habarlady Aqtaý qalasyndaǵy hımııa-bıologııa baǵytyndaǵy
Nazarbaev Zııatkerlik mektebiniń baspasóz qyzmeti.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
