"Qazaqstannnyń Belarýstaǵy elshiligine Gennadıı Bendıskıdiń týystary habarlasyp, 9 qalalyq aýrýhanasynda jergilikti ýaqyt boıynsha tańǵy 6.30 shamasynda qaıtys bolǵanyn jetkizdi. Sol ýaqyttan bastap elshilik jýrnalıstiń otbasyna qajetti qujat retteý jáne ózge de is-sharalardy atqarýdy qolǵa aldy. Mınskide jýrnalıstiń jubaıy men taǵy bir týysy bar. О́z tarapymyzdan jýrnalıstiń týystary men jaqyndaryna kóńil aıtamyz",- dep habarlaıdy QR SIM baspasóz qyzmetiniń jetekshisi Ánýar Jaınaqov.
Eske sala keteıik, qazaqstandyq jýrnalıst Gennadıı Bendıskıı 47 jasynda dúnıeden ozdy. Otandyq basylymdar onyń sońǵy aılarda syrqattanyp qalǵanyn, operasııa jasaýdy kútip júrgeni jaıynda habarlady. Sondaı-aq áleýmettik jelide jýrnalıstiń áriptesteri men oqyrmandary jýrnalısti eske alǵan jazbalar jarııalap, qaıǵyra kóńil aıtyp jatyr.
