Júzdesý barysynda taraptar eki memlekettiń ekonomıkalyq, saıası jáne mádenı-gýmanıtarlyq yntymaqtastyǵyn damytýdyń jaı-kúıi men keleshegine nazar aýdardy.
Qazaqstan parlamenttik delegasııasynyń basshysy Qytaı kompartııasy HIH seziniń tabysty ótýimen quttyqtaı kelip, ekonomıka men halyqaralyq arenadaǵy QHR-dyń zor jetistikterine toqtaldy. Senat Tóraǵasynyń orynbasary Qazaqstan Respýblıkasynyń Prezıdenti N.Nazarbaev pen QHR Tóraǵasy Sı Szınpınniń senimdi únqatysýy arqasynda qalyptasqan Qazaqstan men Qytaıdyń ózara qatynastarynyń óte joǵary deńgeıin atap ótti. «Biz Qytaıdy strategııalyq áriptestik turǵysynda baılanys ornatqan taıaý kórshi ári senimdi dos retinde qarastyramyz. Dıplomatııalyq qatynastar ornaǵannan bergi 25 jylda bizdiń elderimiz arasynda syndarly tatý kórshilik pen ózara túsinistiktiń ónegelik úlgisi qalyptasty», - dedi S.Gromov.
Taraptar ekijaqty jáne kópjaqty sıpattaǵy parlamentaralyq ózara is-qımyldy údetý máselelerin talqylaı kelip, memleketaralyq baılanystardy damytý jáne nyǵaıtýdaǵy parlamentaralyq ólshemniń mańyzdylyǵyna toqtaldy.
Taraptar sondaı-aq bizdiń elimizdiń «Nurly jol» memlekettik baǵdarlamasy men qytaılyq «Bir beldeý, bir jol» bastamasynyń úılestirý josparyn iske asyrý turǵysynda yntymaqtastyqtyń keleshegine qatysty pikir almasty. S.Gromovtyń aıtýynsha, Qytaıdyń jedel damýy men onyń jahandyq bastamalary jalpy álemdik damý men órkendeýge odan ári yqpal etetin bolady. Senator qazirgi zamandaǵy ǵylymı-ónerkásiptik tehnologııa salasyndaǵy kóshbasshylardyń biri bolyp tabylatyn QHR-men ınnovasııalyq yntymaqtastyqty damytýǵa Qazaqstannyń múddeli ekenin atap ótti jáne bizdiń elimizdegi Úshinshi jańǵyrý baǵdarlamasyn iske asyrý aıasynda qytaılyq kompanııalardy elimizge shaqyrdy.
Áńgime barysynda taraptardyń týrızm, bilim berý jáne mádenıet salalary boıynsha ózara baılanystardy damytý qarqynyn odan ári kúsheıtýge umtylysy naqtylandy.
S.Gromov halyqaralyq transulttyq kompanııalarynyń basshylary qatysqan dóńgelek ústeldiń 10-shy otyrysyna qatysty.
